ANG Office of the Presidential Assistant for the Visayas (Opav) komitado sa pagtabang sa Capiz ug Roxas City sa pagpakigbatok sa Covid-19.
“If there is anything we can do to help Capiz in ensuring it is protected from the virus, we will be very glad to extend it to the province,” matod ni Assistant Secretary Anthony Gerard ‘Jonji’ Gonzales sa Opav.
Kauban sa Opav mao ang Inter-Agency Task Force for Covid-19 Visayas Chief Implementer Gen. Melquiades Feliciano sa pagtabang sa Region 6 sa pagpalambo sa ilang laboratory capacity ug pagpatuman sa Emergency Operations Center sa Covid-19 hotspot areas.
Atol sa unang pagbisita sa Opav sa Capiz niadtong Septiyembre 3, si Asec. Gonzales nakigtagbo kang Mayor Roberto Palomar sa Tapaz, Capiz. Gisundan kini sa Zoom meeting uban ni Governor Esteban Contreras ug mga mayor sa Capiz.
Si Contreras nipadayag sa panginahanglan sa kakuwang sa nurses ug doctors sa lalawigan ug daghan sa ilang frontliner ang ning-resign.
Ang Opav nakig-alayon dayon sa Department of Health (DOH) sa pagpahiluna sa hangyo sa pagtabang sa healthcare workers sa Capiz ug Roxas City.
“I would like to express my thanks to OPAV for the support and for visiting Roxas City,” matod ni City Mayor Ronnie Dadivas.
Samtang, si Dr. Loreche ug mga kauban sa team gikan sa Sugbo nipaambit sa best practices sa Cebu uban sa health officials, lakip sa testing modalities ug lab. practices. (PR)