World Teacher’s Day karon, makahuluganon

KARON, Oktubre 5, ang pormal nga nangulahing pag-abli sa school year (SY) 2020-2021 sa Department of Education (DepEd) nga makahuluganon human natukma kini sa kasaulogan sa World Tacher’s Day.

Usa ka grupo sa mga Cebuano public school teachers ang nanawagan sa kagamhanan sa paghatag og prayoridad sa kaayohan ug panginahanglan sa mga magtutudlo ning panahon sa pandemiya.

Si Antonia Lim, presidente sa Alliance for Concerned Teachers (ACT) Central Visayas, nakanayon nga pinaagi sa World Teacher’s Day matag tuig, ang education sector, labina sa mga magtutudlo, nagpabiling nabiya.

Matod niya, nga ning panahon sa pandemiya, ang publiko saski sa paningkamot ug pag-antos sa mga magtutudlo nga wala mahatagi og libreng laptop, internet allowance, ug paid sick leave.

“May budget sa dolomite sand. May dakong budget sa NTF ELCAC, may kwarta sa pusil ug bala pero sa libro wala,” matod niya.

Atol ning pagsuwat, ang DepEd Central Visayas nagkanayon na dunay dul-an sa usa ka gatos ka mga magtutudlo nga natakboyan sa Covid-19. Duha sa dakbayan sa Sugbo ang namatay ug ang uban nangaayo na.

Si Lim nanawagan usab sa mga kaubang magtutudlo nga maghiusa ug padayong mohatag sa dekalidad nga edukasyon sa ilang mga tinun-an.

Iyang giawhag nga mopadayon sa pakigbisog alang sa umento sa suweldo ug benepisyo alang sa mga magtutudlo. (JJL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph