3-day-old nga bata patay sa Covid sa Davao

USA ka contact tracing ug dugang imbestigasyon ang gilusad sa Barangay Health Emergency Response Team sa Barangay Mintal, Tugbok District, Davao City human gikataho nga namatay sa miaging semana ang 3-day-old nga batang lalaki sa usa ka klinika sa dapit gumikan giingong na-Covid.

Sa impormasyon gikan sa pakighinabi sa dxGM Super Radyo Davao ngadto kang Barangay Mintal Kapitan Rey Bargamento, nasayran nga gipasubay na sa kapitan kon tinuod ba nga residente sa maong barangay ang maong inahan kay basin kini nanganak sa usa ka paanakan sa Barangay Mintal.

Kahinumdoman nga Septiyembre 22 una nang na-admit apan namatay usab sa susamang adlaw ang maong bata. Sa talaan nga napagula sa Department of Health, naka-address sa maong barangay ang bata, kinsa nagpositibo sa Covid-19 subay sa mga test nga gihimo.

Sa Davao City, anaa nay 425 ka mga active cases sa Covid-19 gikan sa Oktubre 4, 2020 nga talaan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph