SUGOD karong adlawa, Oktubre 7 ipatuman ang truck ban sa dakbayan sa Talisay
Kini maoy gipahibawo ni Jonathan Tumulak, pangulo sa City of Talisay Traffic Operations and Development Authority (CT-Toda).
Sa katuyoan nga malugakan ang nagkahuot nga dagan sa trapiko ingon man ang kaso sa vehicular accident nga naglambigit sa mga trak.
Base sa ordinansa 2020-09 nga gi-amendahan sa konseho sa syudad, magsugod ang truck ban sa 6:00 sa buntag ngadto na sa 8:00 sa buntag.
Mo balik kini sa 4:00 sa hapon hangtod sa 8:00 sa gabii sa adlawng Lunes ngadto na sa Sabado.
Exempted kon way labot sa ban ang mga trak nga gigamit sa delivery, mga trak nga may karga nga bas, graba o kadtong gamiton alang sa construction, lakip nga way labot ang trak nga gamiton panahon sa emerhensya.
Ang tanan nga truck drivers gimando-an nga motuman sa maong lagda. Sa kadtong makalapas makamulta og P1,500 sa unang kalapasan, P2,500 sa ikaduha samtang P5,000 sa ikatulong kalapasan.
Ang sakop sa kapulisan sa syudad ug ang CT-Toda maoy gihatagan og katungod sa konseho nga mo patuman ug mo dakop sa mga mo lapas. (ANV, BBT)