DUOL nalang ang kalampusan sa kagamhanan sa siyudad sa Sugbo, sa kampanya batok sa Covid-19, sa pagpanguna ni Mayor Edgardo Labella.
Pagmatuod niini dunay adlaw way matala nga kaso ug kon duna man anaa na lang sa lima ug tagsa nalang ang mag double figure.
Apan wa kini magpasabot ang pagkompyansa sa katawhan ug gikinahanglan ang pagsunod sa mga health protocol.
Karon ang Department of Interior and Local Government (DILG) milusad sa pagpahigayon og orientation seminar sa mga bag-ong 600 ka contact tracers.
MOTORCYCLE
Atol sa regular session niadtong Lunes sa session hall sa Provincial Capitol gituki ang pagdagan sa mga motorcycle sa highway.
Gihisgutan sab ni 2nd District Board Member Tata Salvador ang pagdagan sa mga multicab.
Ang mga bisita sa session mao ang taga Department of Interior and Local Government (DILG), Land Transportation Office (LTO) ug Land Transportation Franchising and Regulatory Board (LTFRB).
Pabor si Salvador sa pag-uyon sa mga ahensya sa gobyerno kon dunay balaod ang matag local government unit (LGU) sa operation sa mga motorcycle ug pagsud niini sa teritoryo sa ubang lungsod pinaagi sa usa ka balaod.
Nindot ang gihimo sa Hunta Provincial nga dunay pagkonsulta sa DILG. Kay matud sa DILG ubos sa memorandum circular dakpon ang mga Motorcycle magdagan sa highway ug motabok ngadto sa laing lungsod.
Apan matud sa DILG kon duna nay balaod ang LGU mahimo na silang maka-operate.Nagpabor sab niini si Salvador aron mokita sa ilang panginabuhi ang mga drayber taliwa sa krisis sa Covid-19.
Natagaan kini ug katin-awan sa DILG basi sa obserbasyon ni Board Member Red Duterte sa ika-Lima nga distrito.