Kapulisan nagdili sa videoke sa adlawan

File photo
File photo

Videoke panahon sa adlawan sa mga residential area idili una sa Cebu City Police Office (CCPO) tungod sa pagsugod na sa klase sa mga estudyante, diin naa ra sa ilang panimalay ang mga bata.

Kapulisan sa Siyudad sa Sugbo moresponde kon adunay madawat nga reklamo sa ilang hotline.

Si PNP Chief Police General Camilo Cascolan nimando sa kapulisan lukop nasud nga ipatuman ang ordinansa sa matag lokal nga kagamhanan labot sa anti-noise ordinance, diin kadtong mga sound system nga makadisturbo sa pagpahuway sa mga tawo badlungon o pasakaan og kaso.

Mahimong disturbo sa mga bata ang kusog nga videoke sa ilang silingan panahon sa pagtuon ilabi na nga wala pay face-to-face nga klase.

Tungod niini, si Police Colonel Josefino Ligan, officer-in-charge sa CCPO, nimando usab sa iyang mga sakop nga robingan ang sudlunong bahin sa kabarangayan aron badlongon ang mag-videoke sa adlawan.

Ang mga bata naa lang sa ilang panimay nanubag sa mga pangutana sa modules nga gihatag sa ilang magtutudlo kanila ug nag online klase ug kon saba na ang palibot, makaapekto kini sa ilang pagtuon.

“During day time kay ang mga estudyante ang ilang klase naa sa sulod sa balay, adlawan na, maka disturb gyud,” matod ni Ligan.

Mahimong motawag sa CCPO hotline nga 0966-465-2556 ug 0918-268-2846 aron mabadlong ug mahatagan dayon nilag pagtagad ang reklamo sa usa ka residente.

Awhag ni Ligan sa mga Sugboanon nga abagan ang mga bata nga naningkamot nga makatuon nga way makabalda sa ilang pag-eskwela ning panahon sa pandemic.

“Kon naa moy nahibal-an sa komunidad nga nagpadayon pagpabadlong, labi na ning sigeg kanta-kanta nga adlawang dako, which is maka disturb gyud, palihog lag report dayon para ma aksyonan na,” dugang ni Lgan.

Mahimo ra hinuon nga maka videoke sa sayong kagabhion hangtod sa alas 10 sa gabii, apan giawhag sila nga dili kini pakusgan.

Ang Cebu City Ordinance 309 niamendar sa anti-noise pollution regulation, o Ordinance 1940, nga naghimong “unlawful for any person to willfully cause loud and disturbing noise through, among other means, the uncontrolled operation of video karaoke sound systems and other similar sound-producing devices between the hours of 7 p.m. and 5 a.m. of the following day.” (AYB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph