9 sikop sa unang adlaw sa truck ban sa Talisay

SA UNANG adlaw sa pagpatuman sa truck ban sa dakbayan sa Talisay kagahapon, Oktubre 7, siyam dayon ka trak ang nadakpan sa mga sakop sa City of Talisay-Traffic Operations and Development Authority (CT-Toda) .

Unang nang gipahibawo ni Jonathan Tumulak, pangulo sa CT-Toda, nga ang truck ban gilauman nga mopakuhod sa kahuot sa dalan sa kataas nga trapik panahon sa peak hours.

Sa maong sitwasyon usab, base sa monitoring sa mga sakop sa CT-Toda, daghan ang madisgrasya sa dalan nianang mga orasa tungod sa kahuot sa trapiko.

Matod ni Tumulak, hinayhinay nga matagamtaman nga new normal gikan sa pagsagubang sa pandemiya, dghan na nga mga sakyanan ang nanggawas ug hinungdan nga angayan na nga ibalik ang mga regulasyon sa pagpadagan sa mga sakyanan.

Ang pagpatuman sa truck ban kini magsugod sa alas 6:00 sa buntag hangtud sa alas 8:00 sa buntag kon diin ang mga tawo mobiyahe aron moadto sa ilang mga trabahoan.

Samtang mobalik nasab ang truck ban sa alas 4:00 sa hapon hangtud sa alas :00 sa gabii kon diin ang mga trabahante manguli sa ilang mga lugar.

Alang sa mga madakpan ang unang kalapasan makamulta og P1,500, balor P2,000 sa ikaduha samtang P5,000 sa ikatulong kalapasan. (BBT)