NING bag-o lang, mitanyag si Presidente Rodrigo Duterte nga moluwat sa iyang katungdanan isip presidente sa Pilipinas kay matod pa niya, gipul-an na siya sa way katapusan nga pangurakot sa gobyerno.
“I was getting fed up. In my years in government, there had been no end to this corruption.. Up to now, it’s being committed every day. Can you stop it? You cannot. There’s no way, I’m telling you.” matod pa sa Pangulo.
Sa iyang kampanya sa pagkapresidente, iyang gisaad nga wagtangon ang krimen, labi na ang illegal nga drugas, ug kurapsyon sa gobyerno sud lang sa tulo ngadto sa unom ka buwan human sa iyang paglingkod sa katungdanan.
Mitanyag ang pangulo nga mo-resign sa makadaghang higayon sa managlahing mga hinungdan. Sama sa kapakyas sa pagtuman ang iyang gisaad atol sa kampanya, kon mahimo na nga pederalismo ang sistema sa gobyerno, kon ang iyang mga anak maprobahan nga nangurakot, kon maprobahan nga duna siyay gitago nga mga bank account ug kon mawad-an na siya sa pagsalig nga katawhang Pilipino.
Apan ang labing ulahing survey sa Pulse Asia nga gipagawas sa Oktubre 5 nagpakita nga siyam sa matag napulo ka mga Pilipino niuyon sa performance sa pangulo atol sa pakigkombate sa nasod batok sa coronavirus disease 2019 (COVID-19) pandemic.. Taas kaayo ang pagsalig sa katawhan sa atong pangulo.
Ang Ulat ng Bayan Nationwide Survey nga gihimo sa Pulse Asia gikan sa Septyembre 14 ngadto sa 20 nagpakita nga 91 porsento sa mga Pilipino niuyon sa performance sa pangulo, 5 porsento lang ang wa mouyon ug dunay 5 porsento nga wa makahukom.
Apan unsay mando sa 1987 Constitution kon moluwat sa katungdanan ang usa ka incumbent nga presidente?
Ang Article VII, Section 8, 1987 Constitution, nagkanayon, “In case of death, permanent disability, removal from office, or resignation of the President, the Vice-President shall become the President to serve the unexpired term.”
Mao kini ang rule on succession sa kinatas-ang posisyon sa atong nasod. Sa higayon nga mabakante ang posisyon sa Presidente, ang Bise Presidente mao ang mopuli sa maong posisyon. Apan mag-alagad lang siya sa “unexpired term.”
Unsa man ang mahitabo kon magdungan pagkabakante ang posisyon sa Presidente ug Bise Presidente?
Ang samang probisyon nagkanayon, “In case of death, permanent disability, removal from office, or resignation of both the President and Vice-President, the President of the Senate or, in case of his inability, the Speaker of the House of Representatives, shall then act as President until the President or Vice-President shall have been elected and qualified.”
(edbarrita@gmail.com)