SILA ang pipila sa mga new generation artist sa Curve Entertainment Inc. nga nagbase sa kaulohan kansang pangan sa kompanya gikuha gikan sa inisyal sa mga pangan sa tag-iya.
“Our company is a full-service media and entertainment that specializes in music services, talent procurement and events management,” matod sa Curve Entertainment president ug CEO nga si Narciso Chan sa pakighinabi sa Superbalita Laysho.
Sa unom katuig sa Curve Entertainment lakip sa ilang mga na-produced ang pelikulang “BangBang Alley” trilogy sa direksyon nilang Ely Buendia, Yan Yuzon ug King Palisoc ug sa concert sa “Tres Marias” nga silang Cooky Chua, Bayang Barrios ug Ms. Lolita Carbon.
Samtang ang ilang mga batan-ong OPM artist puros naila nga mga social media influencer nga gipangulohan mismo sa 19-anyos nga dalagang anak ni Ms. Sharon Cuneta nga si Frankie Pangilinan. Atong ilailahon ang uban nila sa Ssssuper Ka!
FRANKIE PANGILINAN
Ang debut single ni Frankie “Kakie” Cuneta Pangilinan nga “TYL” (True Young Lovers) kaugalingon niyang komposisyon ug siya usab ang nikanta nga gi-produced ni Ely Buendia. Ang “TYL” nag-trending dayon sa iTunes usa ka semana human ni gi-released sa Pilipinas, Canada ug Australia. Ang “TYL” pasok sa Top 10 sa Spotify’s Philippines Viral 50 charts.
“NASSER”
Si Nasser Amparna ang Philippines’ Prince of Asianovela themesongs tungod sa kadaghan na niyang mga nakantang themesong sa Korean drama sa GMA-7. Ang iyang kantang “Your Love” (Jim Brickman) dunay 2 million streams sa Spotify ug duna sad siyay 140,000 subscribers sa YouTube. Si Nasser kanhi si “Jang” sa boyband nga “Down to Mars” ug tua na nagbase sa Singapore sud na sa unom katuig diin siya nagtrabaho isip lab specialist.
MEL CALUAG
Si Melbelline “Mel” Caluag ang hall of famer sa TV5’s Talentadong Pinoy. Ang singer-actress miyembro sa bag-ong girl-group sa GMA-7 nga XOXO nga puros mga kanhi finalist sa The Clash Season 1. Ang 21-anyos nga biretera co-managed sa GMA Artist Center.
JELO ACOSTA
Ang 18-anyos nga si Jelo Acosta unang niapil sa ABS-CBN’s The Voice Teens Season 2 ug nahimong kabahin sa Team Apl. Ang 5’10” nga Filipino rapper ug songwriter usa ka part-time print, ramp ug commercial model ug aspiring film and TV actor. Nigawas siya niadto sa “Bagani” ug “Kadenanag Ginto” sa ABS-CBN sa cameo role.
TRISTAN CASTRO
Si Tristan Castro gradwado sa music production sa De La Salle University-College of St. Benilde diin siya maoy lider sa 6-piece band nga motukar og classics sama sa “Spain,” “Somewhere Over The Rainbow” ug ubang genre nga naglakip sa Latin and Gypsy Jazz, Bossa Nova, reggae, blues, flamenco ug funk. Pinaagi sa iyang ukulele gipakita ni Tristan nga walay gamay sa dako nga abilidad.
SHANNON LOPEZ
Si Shannon Lopez ang usa sa mga nihatag og garbo sa Pilipinas isip multi-medalist sa 2018 World Championship for the Performing Arts (WCOPA), California, USA. Siya ang grand champion sa 2018 Robinsons Townville’s #StarTeens talent search. Ang iyang debut single revival sa Backstreet Boys nga “I’ll Never Break Your Heart”.
B.O.U
Ang B.O.U. (Both Of Us) ang fast-rising acoustic duo. Ang ilang viral hit songs mabati sa ilang bag-ong self-titled EP (extended play) sa Curve Entertainment nga naglakip sa acoustic covers sa mga sikat nga kanta. Ang B.O.U. nominado isip Best Ballad Recording sa 2017 Awit Awards. Sila ang nikanta sa themesong sa pelikulang “Mia” starring Coleen Garcia. Ang bag-o nilang single karon ang classic hit ni Vehnee Saturno nga “Kung Para Sa’yo” nga unang gipasikat ni Willie Revillame.
“RBTO”
Si “RBTO” o Robert Lai sa tinuod nga pangan usa ka songwriter, rapper, producer ug labing unang Pinoy nga nakasud sa Fliptop ug sa semis sa International Songwriting Competition’s HipHop Category niadtong 2013 ug 2014. Usa sa iyang mga awit nga naa sa iyang full-length album ang “Inverse.”