ALU supak sa paglangay sa 13th month pay



ANG Associated Labor Unions (ALU) supak sa paglangay sa pagbayad sa mandatory nga 13th month pay alang sa mga trabahante sa mga kompaniya nga wa hatagi og exemption kay di “distressed.”

“The 13th month pay benefit at this time of the year have already been earned and accrued by employees. Therefore, 13th month payment cannot be waived or taken away by giving exemption to employers or deferment of payment,” matod ni ALU vice president Gerard Seno.

“The 13th month payment benefit, just like minimum wage, is a basic labor standard that cannot be waived or deferred,” dugang niya.

Gitataw ni Seno nga ang mga trabahante nagsakripisyo sukad sa pagsugod sa pandemic.

Siya niingon nga daghang mga kawani ang nanag-antos sa giminusang mga oras sa trabaho ug job rotation, samtang ang uban floating ug ang uban gipabakasyon nga way suweldo.

Daghang mga trabahante nga nahunong pagtrabaho nga naghuwat kanus-a makabalik.

Matod ni Seno nga duna pay pipila nga gipa-adjust sa work-from-home kinsang mga suweldo giminusan ingon man ang mga benepisyo.

Duna pay uban nga maoy gipagasto sa ilang Covid-19 test ug nadugangan pa ang ilang gasto sa pletihan tungod kay ang kompaniya wa makahatag og sakyanan. Ang ALU niawhag sa mga employer ug nanag-iya og mga negusyo sa pagtahod ug motuman sa ilang obligasyon sa pagbayad sa 13th month pay sa ilang mga kawani sa hustong higayon.

“We are calling on the employers and business-owners to take a hard look not only on their business but also at the plight of their employees, who are also hard pressed. We urge them not to forgo payment of the 13th month pay of their employees,” nagkanayon si Seno.

Ila usab nga giawhag ang Dole sa pagseguro nga ang mga employer ug mga negusyo nga motuman sa mga probisyon sa Presidential Decree No. 851, nga nagmando sa pagbayad sa 13th month pay.

“We appeal to the DOLE and to Labor Secretary Silvestre Bello III to not tinker with the 13th month pay law. Giving exemptions and deferring payment of such would make working people suffer further,” matod ni Seno.

Ang Employers Confederation of the Philippines (Ecop) niingon nga mga duha ka milyon ka mga trabahante hayan way makuhang 13th month pay kay daghang mga kompaniya nga nakaangkon og grabeng alkanse atol sa lockdowns.

Agig tubag, si Bello miawhag sa mga employer sa pag-uswag lang sa 13th month pay sa mga kawani kay sa di kini ihatag.

Siya niingon nga ang “distressed” nga mga kompaniya dunay option sa pag-apply og exemption, apan gikinahanglan nga ipasabot pa sa Dole kon unsa ang “distressed.” / Sunstar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph