Mag-uuma hapit gilamoy sa King Cobra

HAPIT na nga tukbon sa banakon (nailhang King Cobra) ang usa ka mag-uuma alas 10:30 sa buntag niadtong adlaw nga Sabado, Oktubre 10, 2020, didto sa probinsya sa Cotabato.

Matud ni Erning Sarvida nga samtang naghigda siya sa iyang payag sa uma, iyang nasiplatan ang dako ug taas nga banakon.

Misaka ang lala nga halas sa payag ug buot na unta nga pahiton si Sarvida, apan abtik pa sa iring ang mag-uuma nga mikuha sa iyang mahait nga sundang ug gitigbas ang banakon.

Patay gilayon ang bitin nga naigo sa iyang ulo ug tunga-tunga sa lawas niini.

Kahinumdoman nga niadtong miaging adlaw napatay sab sa mga mag-uuma ang nag-away nga sawa ug banakon sa Sitio Natayukan, Barangay Balite, Magpet, Cotabato.

Daghanan na ang napatay nga mga molupyo sa probinsya sa Cotabato nga napaakan sa banakon hinungdan nga gipursige sa lokal nga panggamhanan sa North Cotabato nga maggahin og pondo alang sa venom vial nga magamit sa gobyernong balay tambalanan sa mga mapaakan sa banakon. (Edgar Fuerzas)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph