ANG Aboitiz Group hingpit nga nagsuporta sa bag-ong gilusad nga public-private collaboration information campaign nga gitumong sa pagpabalik sa kompiyansa sa konsumidor ug luwas nga pagbalik og abli sa ekonomiya sa nasod nga padayong nakigbatok sa coronavirus disease 2019 (Covid-19) pandemic.
Kini gitawag og ‘Ingat Angat Tayong Lahat’, ang kampanya nag-aghat sa publiko sa pagsagop sa ‘new normal’ diin magsugod sa mga kalingawan sa kinabuhi gawas sa ilang panimalay nga nag-obserbar sa health ug safety protocols.
Kon masagop na kini sa katawhan, gipaabot nga mosunod ang kompiyansa sa mga konsumidor nga momugna og demanda nga motabang sa mga negosyo nga padayong abli.
Ang kampanya kabahin sa dakong Task Force T3 (Test, Trace, Treat), usa ka national action plan diin gitumong sa pagpaumento sa nasod sa iyang testing capacity, isolation, ug testing centers. Ang inisyatiba sa T3 mogiya sa private sector, small and medium enterprises ngadto sa dagkong korporasyon, pagpatuman niini sa ilang mga kompaniya.
“The Aboitiz Group has always believed that a strong public-private partnership is at the core of moving our country forward. We are committed to supporting Task Force T3 and our government through ‘Ingat Angat Tayong Lahat’ as we drive change for a better world by advancing business and communities,” matod ni Aboitiz Group CEO and President Sabin M. Aboitiz. (PR)