GIKINAHANGLAN ang pagsunod ug di pagsupak sa kamandoan sa local government unit (LGU) sa pagbiya sa mga pinuy-anan nga anaa sa dilikadong lugar.
Dili kini usa ka ordinaryo nga pag-uwan ang nasinati karon sa Pilipinas niining pagsud sa panahon sa La Niña kay giila kini nga severe kun grabe.
Daghan nang mga lugar ang gipangbahaan ug ang uban nakasinati og mga landslide.
Busa kamong nagpuyo nga anaa sa tumoy, kilid ug tiilan sa bungtod delikado ang inyong sitwasyon.
Ang paghumok sa yuta tungod sa uwan ug ang napundong tubig ilawon sa yuta grabing kakuyaw. Ug ingon man ang mga gahi ug ulo nga ana nagpuyo daplin sa sapa.
SA KAPITOLYO
Gilusad sa Provincial Capitol sa Sugbo ang usa ka programa aron tabangan ang mga negusyante nga naapektuhan sa krisis tungod sa pandemiya sa Covid-19.
Ang opisina ni Bise Gobernador Hilario Davide III maoy gitahasan ni Gobernador Gwen Garcia sa programang Sugbo Negusyo.
Ang nabangkarota nga gagmayng mga negusyante dunay puhonan ang Kapitolyo alang kanila.
Aron mas sayon alang sa mopahimulos sa programa, mihimo og caravan ang opisina ni Davide ngadto sa kalungsoran.
Gikatakda sab ang pagbisita sa mga tawo sa bise gobernador sa Isla sa Camotes,sakop sa ika-limang distrito ni Kongresista Duke Frasco.
MILAMPOS SI LABELLA
Kon imong sabton ang pag ubos sa kaso sa Covid-19 sa siyudad sa Sugbo, milampos ang seryusong kampanya ni Cebu City Mayor Edgardo Labella.
Karong bag-o, mipagawas og executive odrer ang mayor sa pagbutang sa malls sa 100% nga operation.
Apan wa magpasabot nga giloagan ang health protocol sa siyudad. Atong nasinati kon unsa ka istrikto ang pagsud sa mga Malls.
Atong suportahan tungod kay kitang tanan ang makabenepisyo niini. Di kita mosugot nga mobalik sa uno sa ECQ. Kon mabalik na kita sa normal, daghan nasab ang makabalik og trabaho.
Ang MGCQ status sa Cebu City paingon na unya sa new normal. Email efren_lonzon@gmail.com Text 09235562777