GIHULAGWAY sa kanhi dako nga opisyal sa Los Angeles Lakers nga dako og gikatampo si Kobe Bryant sa pagsakmit sa ilang kampyonato sa National Basketball Association (NBA) batok sa Miami Heat.
Kini ang pagtuo sa kanhi president sa basketball operation sa Lakers nga si Magic Johnson atol sa ilang kampanya para matupngan ang Boston Celtics sa padaghanay og kampyonato sa ilang liga.
“I wanna give Kobe Bryant a lot of credit, and it’s too bad he’s not here to see his work,” paghulagway ni Johnson kinsa maoy responsabli sa pagdala ni Lebron James ngadto sa Lakers niadtong 2018.
“Because he was working behind the scenes with Jeannie as well, and with (Lakers general manager) Rob (Pelinka), and recruiting LeBron James as well,” dugang ni Johnson.
Pagsulod sa Lakers sa NBA conference finals, ang management nipahimo og customized nga uniform isip ilang tribute ngadto kang Bryant ug tuod man, 4-0 ang ilang record sa higayon nga ilang isul-ob ang maong uniform sa wala pa sila mapilde sa game 5 sa NBA finals.
Si Bryant ug iyang 13 anyos nga anak babaye nga si Gigi ug laing pito ka mga kauban namatay gumikan sa helicopter crash niadtong Enero 26 sa Calabasas, California.
Ang kanhi point-center sa Lakers nga si Johnson dako og gihuptan nga papel para ilang madani si James nga motapon sa purple and gold nga team duha na ka tuig ang nakalabay dihang padong nga mohupas ang iyang kontrata sa Cleveland Cavaliers.
“So you know all of us played the part and I’m just happy that the end result was we’ve won the NBA championship,” dugang niya.
si Jeanie Buss maoy labing unang babaye nga tag-iya og NBA championship team ug matod pa ni Johnson nga nakadayeg si James sa pagpadagan ni Buss uban ni Pelinka sa Lakers.
Gumikan sa kampyonato sa Lakers, ila nang natupngan ang championship trophy sa ilang higpit nga karibal nga mao ang Boston Celtics.
“We have 17.I don’t have to hear that from Celtics fans no more. No, you don’t have more championships than the Los Angeles Lakers,” batbat sa kanhi NBA superstar. (PAC)