SA DUHA ka mga barangay sa dakbayan sa Talisay, duha ka mga barangay niini ang giproseso nga madeklarar nga labing una nga mga barangay nga drug-cleared sa dakbayan.
Mao kini ang Barangay Campo 4 ug Barangay Tapul. Apan ang naulahi maoy posibli nga unang madeklarar nga drug-cleared nga barangay pila ka mga adlaw gikan karon.
Si Tapul Barangay Captain Mary Ann Nolasco sa pakighinabi sa Superbalita Cebu atol sa programang Kumusta Kap? kompiyansa nga sila mahatagan og sertipikatura sa hingtungdang komitiba nga sila ma-drug-cleared barangay na sa dakbayan sa Talisay.
Matod ni Nolasco nga dunay pila na lang ka hugna nga aktibidibadis ang nahabilin niini nga drug surrenderees aron sila makalampos na sa ilang gipang-apilan nga mga kalihukan aron hingpit nang drug-cleared ang ilang barangay sa ilegal nga drugas.
Dugang ni Nolasco nga dili sayon ang mga pamaagi sa pag apply sa usa ka barangay nga manahimo nga drug cleared tungod kay daghan pa kini og mga proseso nga agian una pa susihon sa mga ahensiya nga maoy mosuta sa maong barangay.
Ang barangay Tapul dunay 40 ka mga drug surrenderer, Diin katunga niini naka gradwar na samtang ang nahiblin nga drug surrenderer maoy sunod nang mogradwar.
“Ang kaning nahabilin mao ni ang wala maapil sa una kay ang uban nini nibalik ug gamit , unya sila magtoo nga pag magpositito ang usa kanila bisan kinsa ang mabalik gyud guihapon sa uno,” matod sa kapitan.
Dugang ni Nolasco nga sila kuyog sa iyang mga konsehal ang mitabang usab sa pag awhag sa ilang drug surrenderer nga mamahimong makalimot sa gidiling drugas. (BBT)