DEAR Papa Joe,
Tawga lang ko og Wilma, 27-years old, usa ka single mom.
Nagtrabaho ko sa usa ka opisina isip errand. Karon naa koy kauban nga usa ka department head sa kompaniya ug maayo kay ni siya nako. Maorag way diskriminasyon sa among posisyon sa trabaho.
Nakabantay ko nga nakagusto ni siya nako ug sa tinuod lang kay naka gusto sad ko niya og sugod. Pero ang nakabati lang naa siyay ka live in ug may anak na sad sila. Unsa man ako kaha ni siya patulan o molikay na lang ko? Palihug tambagi ko.
WILMA
Wilma,
Wa man ta masayud sad sa iyang kinabuhing may ka live in. Kon sabton og maayo ang iyang sitwasyon, pwede pa siya mogawas ana kay basin wa na siya malipay sa iyang sitwasyon. Pero ang makaluluoy ana kay ang anak o mga anak. Pero kon gustohon gyud niya, siya ra gyud ang maka decide ana.
Ang gugma baya di mapugngan pero ayaw lang pag una-una. Pwede sab nimo siya pahunaton. Pero iagi lang lang og pangutana like, “Sir, nganong buotan man kaayo ka nako. Unsa diay rason?" Hangtod matimbang nimo ang tanan, angay ba o dili.
PAPA JOE
(sa inyong tampo ipadangat lang sa papajoesuperb@gmail.com)