SUPERBALITA DAVAO

310 tinun-an sa Davao naka-laptop

LAPTOP SHARING. Gitunol ni Davao City Acting Mayor Sebastian Duterte ang laptop sa usa sa mga benepisyaryo sa Student Siblings' Laptop Sharing Project. Makita sab sa hulagway sa (walang bahin) si Honorable Li Lin, ang consul general sa People’s Republic of China sa Davao City, ug si Presidential Commission for Urban Poor Commissioner Norman Baloro atol sa ceremonial turnover didto sa People's Park sa Davao City, Biyernes, Oktubre 16, 2020. (Hulagway kuha ni Jeepy P. Compio)

DAKO kaayo ang pasalamat sa mga ginikanan sa 310 ka mga estudyante sa Davao City nga nakadawat og laptop gikan sa People's Republic of China.

Ang turnover natigayon alas 3 sa Biyernes sa hapon, Oktubre 16, 2020, sud sa People’s Park, Palma Gil Street, Davao City.

Ang programa dunay titulong Student Siblings' Laptop Sharing Project nga gi-sponsor sa Consulate General of the People's Republic of China sa Davao City.

Atol sa ceremonial turnover, 310 ka Huawei Matebook D 15 Notebook Model BoH-WAQ9R ang gipanghatag, diin mismong si Davao City acting Mayor Sebastian Z. Duterte ug si Honorable Li Lin, consul general sa People's Republic of China sa Davao, ang mitunol sa mga laptop.

Si Presidential Commission for Urban Poor (PUCP) Commissioner Norman Baloro, in-charge sa Eskwela Davao, nagpasabot sa natigayong awarding sa mga laptop nga ang mga benepisyaryo miagi og makuting beripikasyon.

"Una sila na approved nga sila benepisyaryo gisubay gyod nato ilang kahimtang sa pamuyo, kadto gyod ning mga angayan ug haum gyod nga makadawat. Tabang ni sa ilang online class, diin sila nga magsuon mag-share sa laptop," ingon ni Baloro.

Una niini, niadtong Oktubre 1, 2020, na-turnover sab sa 100 ka mga benepisyaryo ang mga tablets agi'g tabang sab sa China sa mga estudyante sa Davao City diha sa ilang online class.

"Last October 1, nauna na sab nato og award ang 100 tablets sa mga benepisyaryo. Nalipay gyod atong mga estudyante kay ila gyod nga nagamit isip tool sa learning modality," dugang ni Baloro.

Malaumon si Lin ug ang acting mayor ning dakbayan nga ampingan sa mga benepisyaryo ang maong mga laptop. (Jeepy P. Compio)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph