NAGSUGOD na sa pag-marka ang kontraktor sa P238 milyones nga proyekto aron pagbag-o sa 33 na ka tuig nga traffic lights system sa dakbayan sa Sugbo, Oktubre 16, 2020.
Kini ang gipadayag ni Rodjun Taneo, chairman sa Bids and Awards Committee (BAC), pipila ka adlaw human giisyuhan ni Mayor Edgardo Labella og notice to proceed (NTP) ang winning bidder.
Ang mga personnel sa Cylix Technologies, Inc. ug Triune Electronic Systems, Inc. nipahigayon og markings sa mga intersection sa Mango avenue nga lakip sa 18 ka managsangang dalan nga apil sa phase 1 sa traffic light modernization program sa bag-ong mayor.
“The traffic system that we had was built over three decades ago and one of my priority in my first term as mayor is the modernizarion of our delapidated traffic light system and our neighboring lgu’s are had already theirs ahead of us and it doea not look good being a highly urbanized city does not have a modern traffic lights system,” paghulagway ni Labella.
Ang contractor naghuwat nalang sa permit nga ilang gipangayo gikan sa Department of Public Works and Highways (DPWH) kansang aplikasyon ilang giduso sa miaging semana.
Ang P238 milyunes maoy gamiton para sa 18 ka intersections sa siyudad nga unang gi-identify para sa unang hugna sa maong proyekto.
Ang maong mga dapit gilangkuban sa P. del Rosario St. ug Pelaez St., P. del Rosario St., Junquera St., P. del Rosario St. ug D. Jakosalem St., P. del Rosario St. ug Sikatuna-T. Padilla Streets, Gen. Maxilom Ave. ug D. Jakosalem St., Gen. Maxilom Ave. ug F. Ramos St., Gen. Maxilom Ave. ug Juana Osmeña St., Gen. Maxilom Ave. ug Gorordo Ave., Echavez St., Gen. Maxilom Ave. ug San Jose St., Gen. Maxilom Avenue., Gotianuy St., Gen. Maxilom St. ug A. Soriano St., Gen. Maxilom Ave. ug S. Osmeña Ave., Juan Luna Ave. ug A. Soriano Ave., Juan Luna Ave. ug S. Osmeña Ave., Juan Luna Ave. ug F. Cabahug St. Cardinal Rosales, Gen. Maxilom Ave., J.C. Vera St. ug Benedicto St., Gen. Maxilom Ave. ug M.J. Cuenco, ug M.J. Cuenco ug Pope John Paul II Ave. / PAC