SUPERBALITA CEBU

Albor: Naghasol atol sa pandemya

Sandiganan

NAGHASOL ang duha ka pagpamomba sa Jolo, Sulu nga 15 patay ug 78 angol nga sibilyan, sundalo ug pulis. Gipaluyohan sa Abu Sayyaf leader Mundi Sabadjaan. Suicide bombers sila Nana sa Basilan nga asawa sa lider Norman Lasuca ug Inda sa Tawi-tawi nga asawa sa bomber Abu Palha. Walo kanila mitahan kay wala makaantos pagtagotago sa kabukiran.

Panawagan nga ilusad ang revolutionary government. Nangulo si Bobby Brillante sa MRRD-NEC uban sa diehard nga mga dumadapig ni Pres. Rodrigo Duterte. Apan dili suportado sa MalacaƱang kay maoy prayoridad ang pagpanalipod sa pandemya.

Gipalakaw sa oposisyon nga nasakit og cancer si Duterte. Gibasihan lang gud ang karat sa tutonlan. Gitin-aw nga igo lang gitambagan sa doktor nga dili magpalabi sa panabako ug inom. Sa medical check-up nagpakita sa clean bill of health nunot sa pagsaka sa trust rating nga 91 percent ug pagtubag sa pandemya nga 84 percent sa survey sa Pulse Asia.

Gikuwestyon sa COA ang gastosong pagkaon P1.83M sa mga tigom sa Bureau of Broadcast Services ubos sa Presidential Communications Operations Office (PCOO) ni Sec. Martin Andanar. Gibabagan sa Makabayan bloc ang 2021 nga gahin sa PCOO human gitumbok ni Asec Loraine Badoy ang maong nga magbabalaod nga high ranking officials sa CPP-NPA-NDF.

Gilangay ra ba ang 2021 annual budget kay inay aprobahan sa Oktubre 14 giirog sa Nob. 16 ni House Speaker Alan Peter Cayetano kay gustong mohawid sa pwesto. Unta mohulip pagka House Speaker si Rep. Lord Allan Velasco basi sa term-sharing agreement.

Nakahasol ang estimate billing sa bayranan sa korente atol sa pandemya. Aron motagam, gipamulta sa Energy Regulatory Board og P19 milyunes ang Meralco. Dinhi sa Sugbo gipaatubang sa konseho ang Veco.

Nag-unok-unok ang kurapsyon sa Philhealth. Pasyente ipasangil nga Covid nag-apas nga bayran sa Philhealth, malversation sa P27 bilyunes Interim Reimbursement Mechanism (IRM) ug overpriced P2.1 bilyubes IT equipment.

Gitumbok nga godfather sa mafia si DOH Sec. Francisco Duque isip chairman sa IRM. Sa kontrobersiya, nasakit si Philhealth Chief Ricardo Morales, miluwat ug maoy gihulip ang kanhi NBI Dir. Dante Gierran nga gitagalan hangtod Disyembre sa paglimpyo. Gisuspenso og unom ka bulan ang 13 ka mga opisyal ug 43 ang mi-resign ug mi-retire. Gikasohan og fraud ang pipila ka mga ospital. Kaso batok nila ni Morales, Duque, Arnel de Jesus, Israel Pargas, Jovita Aragona, Renato Limsiaco Jr. Rodolfo del Rosario, Dennis Mas ug IT Manager Calixto Gabuya Jr. Gikonsiderar ang pagbungkag, privatization o itakli sa Dept. of Finance ang Philhealth. (csa_1156@ yahoo.com / 09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!