SUPERBALITA CEBU

Mag-uuma gidunggab sa silingan, kritikal

TALANDUGON ang kahimtang sa usa ka mag-uuma human dunggaba sa iyang silingan nga hubog sa Purok Tambis, Barangay Binabag, dakbayan sa Bogo niadtong Sabado, Oktubre 17, alas 7:00 sa gabii.

Si Eleuterio Tohoy, 38, ug dunay kapuyo, ang samdan sa iyang walang dughan ug walang kamot.

Si Raymak Maloon, 20, nadakpan sa hot pursuit operation sa kapulisan niadtong Dominggo, Oktubre 18 sa alas 11:00 sa buntag didto na sa Barangay Cogon, Bogo.

Si Police Master Sgt. Alexis Camelo Villacrusis sa Bogo Police Station nga nahinabi sa Superbalita Cebu nagkanayon nga hubog ang suspetsado atol sa krimen.

Ang amahan sa biktima maoy gikalalis sa suspek nga hubog. Ang biktima mibadlong sa iyang amahan nga mopauli na ug dili motubay sa suspetsado nga hubog.

Apan nasuko ang suspek nga ginganlag hubog ug iyang gihagit ang biktima og sinumbagay, dayon mikuhag kutsilyo ug gidunggab ang biktima. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph