SUPERBALITA CEBU

Live-in partners nga nagnegosyo og ilegal nga armas, nadakpan

MANAG live-in nga konsabo sa ilegal nga negosyo sa pagpamaligya og armas nadakpan sa mga operatiba sa Provincial Intelligence Unit (PIU) sa Cebu Police Provincial Office (CPPO) niadtong Oktubre 16, Biyernes sa hapon.

Si Police Lieutenant Randy Korret, pangulo sa PIU sa CPPO, maoy nangulo sa operasyon nga miresulta sa pagkasikop sa duha ka mga managhigugmaay.

Duha ang nadakpan samtang usa nakasibat sa pagpangronda ug pag-serve sa warrant of arrest sa managlahi nga lugar sa probinsiya sa Sugbo nga gihimo sa mga operatiba.

Unang nadakpan ang duha ka manag live-in didto sa Sityo Mahayahay 1 sa Barangay Tayud, lungsod sa Liloan kinsa giila ni Korret ang mga nadakpan nga sila si Arvie Diosana, 30, ug molupyo sa Sityo Montineza sa lungsod sa Malabuyoc samtang ang kapuyo niini nga si Liberty Jay Trinidad, 47, ug molupyo sa Barangay Tayud.

Sa gihimong buy-bust sa mga operatiba, usa ang nakasibat nga mao si Erwin Maratas, 23, ug kaila ni Diosana ug gihulagway nga maoy tig-supply sa mga armas kon dunay mopalit ngadto na sa babayeng dinakpan.

Nasakmit gikan sa manag live-in partner ang duha ka mga kalibre 45 nga armas.

Matod ni Korret, si Diosana maoy katransak sa nagpaila nga kunohay mopalit sa maong mga armas apan blanko si Diosana nga mga pulis na diay ang kasabot sa maong babaye kuyog ang iyang kapuyo.

Kaso nga paglapas sa paghupot sa ilegal nga mga armas subay sa Akta Republika 10591 ang atubangon sa duha.

Sa laing pagpangdakop didto sa Sityo Matugan sa Barangay General Climaco sa dakbayan sa Toledo, nadakpan ang usa ka Romnick Ocariza, 31, ug molupyo sa maong dapit.

Matod ni Korret, gidakop nila si Ocariza tungod sa giatubang niining warrant of arrest sa kaso nga kalapasan sa Seksiyon 6 sa Akta Republika 9165 o pagpananom og mga marijuana.

Si Judge Ruben Altubar, presiding judge sa Branch 29 sa Regional Trial Court sa dakbayan sa Toledo maoy nag-isyu sa warrant of arrest nga pinetsahan niadtong Hulyo sa miaging tuig.

Wala kini girekomendar nga piyansa. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph