DEAR Papa Joe,
Tawaga ko sa ngalan nga Almira, 33-anyos na ug usa ka single mom.
Gikan ko nag trabaho sa Taiwan unya niuli ko diri para bakasyon para sad makita nako akong uyab. Pero unsaon man nga naabtan man sa Covid. Ang akong pagpauli diri kay usa sa tuyo sa akong uyab mao ang pagpamalaye pero puro mi naundang sa trabaho kay di na dinagko among trabaho.
Karon kay na pressure na ko sa akong mga paryente nga kinahanglan na daw ko magminyo kay guwang na daw ko, lisod na manganak. Kinahanglan nga manghuran nako ang akong unang anak.
Sa tinuod lang nagtigum nami sa akong uyab ana pero unsaon lagi nagasto man kay naa man miy pamilya. Akong pamilya nakasabot ra man pero ang mga paryente murag bugalbugal ba. Unsa may buhaton nako? Palihug tambagi ko.
ALMIRA
Almira,
Ayaw palabi og kabalaka sa imong mga paryente. Basin og dala ra tuod kantyaw ba pero di gud seryoso. Kabalo na sila nga lisod ang panahon. Basin gusto lang nila nga masayod unsay plano sa imong uyab ug modayon ba gyud.
Ibutang ta lang tinuod, ayaw gihapon kabalaka kay di ma na nimo obligasyon nga lipayon sila sa ilang gustong mahitabo nimo. Kamo ug imong uyab nasayud unsay kinahanglan unahon kay kon kombera, aw moabot ra na. Pero sa tinuod lang pwede mo mahpakasal nga di magkombera ug anha nimo makita unsa sila nga klase sa paryente.
Papa Joe
(sa inyong tampo ipadangat lang sa papajoesuperb@gmail.com)