SUPERBALITA DAVAO

Naggakos pa sa module, naghikog

WALAY kabutangan sa pagsubo sa mga pamilya sa duha ka batan-on nga nagkutlo sa ilang kinabuhi gumikan sa daghang mga hinungdan.

Didto sa Malita, Davao Occidental, wa kaagwanta ang usa ka 15-anyos nga tinun-an sa Grade 8 sa giingong pagsulti sa iyang inahan kaniya nga tiwason pagtubag ang iyang module alas 8 sa buntag niadtong Dominggo, Oktubre 18, 2020.

Ang biktima wala nay kinabuhi nga napalgan mismo sa iyang igsuon sulod sa ilang lawak.

Sa inisyal nga imbestigasyon ni Patrolman James Libertad, gigakos pa sa biktima ang iyang modular paraphernalia bisan og wala na kini kinabuhi.

Sa Montevista, Davao de Oro, wala na sab kinabuhi nga napalgan ang 14-anyos nga dalagita alas 7 sa buntag niadtong Dominggo.

Si Police Captain Gerald Borja, hepe sa Montevista Municipal Police Station, nagbutyag sa Superbalita Davao nga subay sa nakita nga mensahe sa cellphone sa biktima, naguol kini human dunay problema sud sa ilang pamilya.

Nadugangan ang kasubo sa dalagita dihang wala sila nagkasinabtanay sa iyang giingong uyab nga nanarbaho sa Davao City.

Sa sent items sa cellphone sa biktima, nakita pa ang pulong "I Love You" diin asa gi-send sa iyang hinigugma.

Matud pa nga sa maong hitabo, ang biktima ug ang manghod lamang niini ug maguwang ang nahibilin sa balay sanglit ang ilang amahan namasada sa gipamasaheroang sakyanan samtang ang ilang inahan atoa sa laing nasud nanarbaho.

Ang duha ka biktima gipanghaya na sa ilang mga kabanay.

***

Sa nakasinati og pagsubo, puwede kamong makig-istorya gikan alas 8 sa buntag padung alas 5 sa hapon Lunes hangtud Biyernes sa mga numerong 0977-760-8610, 0939-768-3627 ug sa 0933-404-1072. Dunay andam motubag sa linya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph