ANG DNA (Deoxyribonucleic Acid) branch sa PNP Crime Laboratory 7 sa Sitio Sudlon, Barangay Lahug, Siyudad sa Sugbo nga mobalor og P30 milyunes ang gibuksan na.
Ang pasilidad maoy mo-examine sa mga swab sample sa mga angayan nga ipaubos sa DNA test alang sa pagsulbad sa usa ka krimen sama sa brutal nga pagpatay kang Christine Lee Silawan nga gipanitan ang nawong.
Matod ni Police Brigadier General Steve Ludan, Director sa PNP Crime Laboratory, nga dali nalang ang resulta sa DNA tungod kay naa nalang dinhi ang makina nga maka- examine niini.
Gipasabot ni Ludan nga kadtong mga bukog sa tawo nga gikawot sa yuta nga gipaubos sa imbestigasyon dili pa mahimong ma-examine sa DNA machine sa Sugbo ug kini nga dalhon sa laboratory0 sa kaulohan. (Tampo)