NASAYUD ba mo pilay kita sa mga vlogger sa Pilipinas? Base sa PayMaya.com kada 1,000 views bayran kuno ni sila sa YouTube og P150-P250 or P5-P15 per view.
So kon makaabot ka og 100,000 views duna kay P25K to P50K. Mao diay bisag unsa na lay kaboang himuon sa uban aron lang makadani og views.
Ang kita adto daw mapunta sa Google AdSense Account nga naka-link sa imong YouTube Channel. Mahimo nimo ning i-link up sa imong bank account ug ubang money channels sama sa PayMaya. Ang pay-out usually kada-21st of the month.
Apan dili garantisado nga ang tanan nimong views mabayran kay mag-depende kuno ni sa AdSense kon naka-meet ba sa ilang criteria.
Kon daghan ka og followings dili ra sa ads ka mokita kundi mahimo sad ka mo-apply sa mga kompanya aron mahimo nimong sponsor. Puwede sad ka mahimong endorser sa ilang produkto.
Ug kahibawo mo kinsay No. 1 highest paid YouTuber sa Pilipinas? Base sa pinoymoneytalk.com si Raffy Tulfo sa “Raffy Tulfo in Action” nga dunay P2.8 million to 45.12 million kita kada buwan.
Ang bugtong Kapamilya stars nga nakasud sa Top 10 sila rang Ivana Alawi (No. 7) nga dunay P465K to P7.42-M monthly earnings ug Alex Gonzaga (No. 9), P405K to P6.47-M monthly earnings.
LEGIT OR SCAM?
Nakadungog na mo aning “new cryptocurrency auto-trading program” or Bitcoin Revolution nga ipaagi ra sa digital ang transaction?
Mao ni ang bag-ong gikagubtan karon sa investment sector tungod sa kakusog motubo sa interes sud lang sa pipila ka adlaw.
Apan makapaduda ang ilang giingon nga usa sa ilang mga investor ang aktres nga si Toni Gonzaga nga nikita og $13,000 sud lang sa 24 oras.
Kay ang litrato nilang gibutang kang Alex Gonzaga. Siyaro wa sila kaila ni Toni Gonzaga?
Si Boy Abunda ni-deny na nga investor siya aning Bitcoin ug labaw nang wala kuno siya morekomendar ani sukwahi sa ilang gipasiatab.
Mas maayong mobasa gyud mo og mga legit nga sources sama aning Superbalita. Ayaw mo’g tuo dayon anang mabasa ninyo sa online.
Tingali tinuod ni nga investment program pero siyempre kon dako ang tubo siguradong dako sad ang risgo. Bahalag ginagmay uy basta kanunay.
Advance Happy 26th Anniversary diay sa Superbalita karong Oktubre 23. Last year nanganta pa gani mig BeeGees medley sa ParkLane Hotel. Kadali ra ba sa panahon. Makaguol nga makamingaw. Haha...