SUPERBALITA DAVAO

2 LGU nagtakda'g multa mosupak sa health protocols

DAVAO DEL SUR -- Human namatikdan nga daghan gihapon ang gahi og ulo nga wa nagatuman sa mga mandato sa Inter-Agency Task Force (IATF) on Covid-19, nagpasaka ang duha ka mga lokal nga gobyerno sa lalawigan og ordinansa nga nagtakda og multa sa mga di motuman sa minimum health protocols.

Gi-aprobahan na sa Sangguniang Bayan (SB) sa lungsod sa Bansalan ang municipal ordinance number 31 nga nagdugang og polisiya sa gipatumang modified general community quarantine (MGCQ).

Matod ni Bise Mayor Eugene Clata nga usa kini ka lakang aron di mokuyanap ang Covid-19 sa lugar mao nga angayang sundon sa matag indibidwal.

Ilawom sa ordinansa, gitakda ang multa nga P500, alang sa mga di mosul-ob og face mask, face shield ug social distancing sa mga pampublikong lugar.

P1,000 ang multa sa ikaduhang higayon ug P1,500 sa ikatulong higayon nga madakpan diin mahimong mabilanggo og tulo ka bulan depende sa hukom sa korte.

Ang mga establishments nga mosupak sa minimum health protocols mahimo kanselahon sab ang ilang business permit sud sa usa ka tuig.

Sa kasamtangan, duha na lang ang aktibong kaso sa Covid-19 sa lungsod gikan sa 23 ka kumpirmadong kaso apan anaa pa sa 130 ang gipailawom sa strict home quarantine.

Samtang, sa lungsod sa Sulop, giaprobahan sab sa SB ang municipal ordinance number 30 nga nagtakda og multa sa mga molapas sa balaod sa MGCQ.

Ipailawom una sa tulo ka oras nga community service ang unang higayon nga kalapasan apan sa ikaduhang higayon makamulta na og kantidad P1,000.

Nanghinaot ang lokal nga gobyerno nga di na magpadlong ang ilang mga molupyo ug seryosohon ang paglikay sa makamatay'ng sakit.

Aduna'y siyam ka kumpirmadong kaso ang lugar apan usa na lang ang aktibo ug napulo ang suspetsado. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph