MANILA - Dalaygon ang gesture sa bag-ong singer sa Star Records nga si Ianna dela Torre (WCOPA alumna) kay imbes nga magmasulob-on tungod kay wa madayon ang iyang debut kaniadtong Marso kay naatlan sa pandemic, apan nakapag-down na sila sa usa ka 5-star hotel sa Makati ug usa ako sa imbitado ug nakapag-patahi na ako og suit nga ang designer ko, way lain kundi si Edwin Rosas Visda, gi-divert nalang niya ang iyang atensiyon sa pagpatigayon og online dance contest para sa iyang kantang “Pinapa” maong nahimugso ang “Pinapa Online Dance Challenge.”
Kaniadtong usang adlaw, gipahigayon ang ZoomCon ug awarding sa mga mingdaog sa Pinapa Dance Challenge ug gaawas-awas (parang ga-boto-boto, hahaha) ang kalipay ni Ianna ingon man ang iyang manager nga si Joel Mendoza ug ang ever supportive mother ni Ianna nga si Dr. Daisy tungod kay overwhelming and response sa netizens sa maong online contest ug daghan kaayong nisalmot.
Ang criteria, himoan og MTV or video ang kanta niyang “Pinapa,” i post sa social media hilabi na sa YouTube ug ang pinakadaghang views mao ang modaug. Ania ang mga winners nga present sad ug may acceptance speech pa sa nahisgutang ZoomCon/Awarding .
Congratulations to the winners of IANNA DELA TORRE’S “PINAPA DANCE CHALLENGE” under Star Records.
First Prize Winner, MASTERMIND - (P30K); 2nd Prize, SUGAR AND SPICE -(P20K); 3rd Prize, JEROME (Quad Derno) - (P10K); Best Creative Concept - (PHILXPOSE) - (P7K); ug Best Dance Choreography Dance Cover - (PHILXPOSE) - (P7K).
Pero kung ako ang judge, akong winner mao ang PHILXPOSE tungod kay kulang na lang si Ianna, MTV na jud tungod kay nindot kaayo ang ilang choreography sa nagkalain-laing lugar, pero yun na nga padaghanan og views so hanggang 2 minor awards lang ang nakuha sa grupo. Pero matod pa ni Joel, silang tanan magiging parte sa debut soon (yes, madayon ang naudlot na debut ni Ianna) kung tugutan na ang mass gathering.
Anyway, congratulations, Ianna, ug kung dili lang sa pandemic, by now tiyak na nga nagbunga na ang imong singer career.
Balak din ni Ianna nga sudlon ang pag-arte. In fact, nag-workshop na siya kanhi sa Star Magic.