Agtang sa mag-uuma nasiak human tigbasa

AGTANG sa mag-uuma napahak kay gitigbas sa iyang bayaw nga hubog Lunes sa alas 5:50 sa hapon, Oktubre 19, 2020 sa Brgy. Kanlunhangon, lungsod sa Tabuelan.

Si Rique Montealto, 49, minyo, mag-uuma, nalandig sa tambalanan human pagkasiak sa iyang agtang.

Nasikop sa kapulisan ang suspek nga si Henry Mendrano, 59, mag-uuma.

Si Police Executive Master Sergeant Wilfredo Bonado, imbestigador sa Tabuelan police, nagkanayon nga magmaoy si Mendrano basta mahubog.

Ang manghod ni Montealto nga asawa ni Medrano nangayog panabang kaniya kay nagmaoy ang iyang bana nga isog na kaayo samtang hubog.

Nahadlok sa iyang siguridad ang asawa ni Mendrano hinungdan nga nitabang si Montealto sa iyang igsuon.

Samtang nagpadulong sa balay si Montealto, wala siya makabantay nga nag-atang si Mendrano, diretsong miataki kaniya dayong tigbas.

Gidali sa pagdala sa tambalanan si Montealto samtang si Mendrano nadakpan sa kapulisan.

Kasong frustrated murder ang giandam sa kapulisan batok kang Mendrano. (GPL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph