Student permit, driver’s license nga mi-expire gilugwayan sa LTO

GIPAHIBAWO sa Land Transportation Office (LTO) nga gilugwayan ang tanang student driver’s permit, driver’s license ug conductor’s license alang sa tanang 17 anyos hangtod sa 21 anyos pataas ug 60-anyos hangtod sa 65 anyos nga ning-expire na niadtong quarantine period.

Si LTO Chief Assistant Secretary Edgar Galvante nipagawas sa Lunes, Oktubre 19, og memorandum nga nagpahibawo nga ang tanang SP, DL ug CL sa mga tawo nga nasulod sa nahisgutang mga edad gilugwayan hangtod sa Disyembre 31, 2020.

“Due to the expected volume of applicants, the validity of SP, DL, and CL that expired during the restriction period is hereby extended until 31 December 2020,” matod sa memorandum.

Nipasabot ang ahensya nga ang mao nga mga tawo nga nahisakop sa age group, “were not allowed outside their residences,” tungod sa pandemic.

Si LTO 7 Regional Director Victor Emmanuel Caindec nihangop sa mao nga kalamboan kay daghan ang mga nagpakisayod sa ilang buhatan labina niadtong nangaapektuhan sa quarantine.

“This is really good news for everyone. Since the IATF made the move of allowing restricted age groups to go out of their houses, they now have the chance to process their expired licenses or permits to our offices,” matod ni Caindec.

Niadtong Oktubre 15, ang Inter-Agency Task Force (IATF0 ubos sa Resolution No. 79 nipahibawo nga ang restrictions sa stay-at-home alang na lang sa 15-anyos paubos ug pataas sa 65-anyos.

“We must remember that the virus is still there, quarantine remains but more people are now allowed to go out, your LTO offices are strictly observing the minimum health protocols, we urge the transacting public to always wear your face mask and face shield inside our offices,” dugang ni Caindec.

Sa Septiyembre 25 dihang ang LTO nilugway sa SP alang sa mga tawo nga nag-edad og 20-anyos apan nag 21-anyos atol sa restrictions nga ang ilang permit lugwayan hangtod sa Oktubre 31.

Ang mao nga age group way penalty sa pag-renew sa ilang DL ug CL.

Ang memorandum niepekto diha-diha. (REV gikan sa PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph