Karsada sa Emie sa Sogod nababagan og mga bato

Hulagway gikan sa Facebook ni Edsel Orbiso
Hulagway gikan sa Facebook ni Edsel Orbiso

Dali nga gi-respondehan sa Sogod Disaster Risk Reduction and Management Office ug sa mga opisyal sa barangay Damolog ang agianan sa Sitio Emie sa naasoyng barangay sa Oktubre 21, pasado alas 9:00 sa buntag.

Kini human nga natabunan sa mga dagkong bato ang agianan niini gumikan sa padayon nga gi-trabaho nga slope protection nga proyekto sa Department of Public Works and Highways (DPWH) sa maong lugar.

Gipahibaw ni Maria Elena Zamora sa Sogod DRRMO nga wala hinuoy naangol sa pagkahatak sa mga dagkong bato.

Ang maong hitabo nakamugna og huot nga trapiko sa lugar sanglit ang maong dalan paingon sa dakbayan sa Bogo sa norte.

Sa kasamtangan nagpadayon ang pagkuha sa mga bato apan mahimo nang ma-agian ang maong dalan. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph