SUPERBALITA DAVAO

Minyo gilugos, gipatay

DUNA nay person of interest ang giimbitahan sa kapulisan sa Tulunan Municipal Police Station bahin sa babayeng gilugos ug gipatay alas 2:25 sa hapon niadtong Martes, Oktubre 20, 2020.

Ang krimen giingong nadiskobrehan mismo sa 9-anyos nga anak sa biktima nga wa na kini kinabuhi ug naglunang sa kaugalingong dugo ang iyang inahan.

Giila ang biktima nga si alyas Nika, 33, minyo, ug nagpuyo sa Purok 8, Poblacion, Tulunan, North Cotabato.

Gibutyag ni Tulunan Chief of Police Ma,jor Jun Napat nga nag-inusara lamang ang biktima sulod sa iyang balay nga nanglaba kay ang iyang bana tua sa uma, samtang ang duha niya ka mga anak misuroy.

Sumala pa nga kalit lang gisulod si Nika sa wala mailhing tawo ug gilugos.

Human ang yawan-ong buhat, gidunggab sa nagkadaiyang bahin sa lawas ang biktima ug gibunalan pa og gahi nga butang ang iyang ulo.

Nadiskobre ang krimen sa dihang mipauli ang 9-anyos nga anak sa ilang balay ug daling gisumbong ngadto sa iyang mga paryente.

Nadala pa ang biktima sa Tulunan District Hospital apan gideklara siyang dead on arrival.

Gihulagway nga ang balay sa biktima layo sa iyang mga silingan hinungdan nga wala mamatikdi ang krimen.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph