Mga basurahan ipakatap sa Cebu City

NAGKAHIUSA ang mga manufacturer og bottled water plastic nga tabangan ang Cebu City Government para mahipos ang mga plastic ug dili maanod sa baha atol sa kusog nga uwan.

Kini ang positibo nga tubag sa mga opisyal sa bottled water manufacturing companies atol sa tigom nga gipatawag nga tigom ni Mayor Edgardo Labella, Oktubre 21, 2021 didto sa City Hall.

Ang Natures Spring, CocaCola Philippines Inc. ug Asia Brewery nagkasinabot nga mobutang og mga garbage bins sa strategic locations nga maoy sagad dagsaan sa mga tawo para adunay kalabayan sa ilang basura.

Si Mario Maluenda, plant manager sa CocaCola nga nagbase sa Mandaue City niingon nga andam ug tagana ang ilang kompaniya pagpakigtambayayong sa siyudad labot sa maong proyekto.

“Our purpose here is to help the local government unit especially Cebu City to address the empty plastic bottle problem and educate the people not to throw their garbage anywhere," padayag ni Maluenda.

“We are here to help the government by providing the receptacles in public places and through this, they will have an avenue to place their bottles and let them be aware the negative impact on these bottles to the environment,” dugang ni Maluenda.

Ang plant manager sa Coke nagkanayon nga ang ilang kompaniya nilusad og proyekto nga gitawag og World Without Waste (WWW) diin gigahinan kini og P1 bilyon para makolekta nila ang 3 bilyones ka botelya para ilang i-recycle.

Si Michael Embestro, National Marketing Manager sa Natures Spring, nipadayag og samang suporta sa siyudad.

“As a bottled water leader in the market in the entire Philippines , we would want to assure the public that we are also doing our best to be a part of the solution,” butyag ni Embestro.

“We know that there are a lot of factors affecting the garbage or the pollution in the country but we want to assure our consumers that we are always reaponsible for what we do.” Litaniya sa opisyal sa Natures Spring.

Iyang gipadayag nga niadtong tuig 2018, ang ilang kompaniya ni-donate og 100 ka receptacles ug ila kining pun-an depende sa gidaghanon nga gikinahangkan sa Cebu City pare masiguro nga malain ang malata ug di malata.

Si Labella sa iyang bahin nidayeg sa gipadayag nga tubag sa mga kompaniya. (PAC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph