SUPERBALITA CEBU

1K ka estruktura mibara sa estero, sapa

INSPEKSYON: Mga personnel sa Cebu City Office of the Building Official (OBO) misusi sa mga kasapaan ug mga estero aron pagtino pila ka mga estruktura ang nakabara sa tubig ug nakaigon sa pagbaha ug pagtipun-og sa basura. (Cebu City PIO)

DUL-AN sa 1,000 ka mga estruktura nga nagpatong sa three-meter easement sa upat ka mga dagkong sapa sa Dakbayan sa Sugbo maoy gitumbok nga nakabara sa bul-og sa tubig ug nakatampo sa pagdaghan sa basura.

Base sa report ni Atty. Jigo Dacua, pangulo sa Department of Public Services (DPS) ug chairman sa River Management Council (RMC), 517 niini nahimutang sa Barangay Mambaling (314) ug Duljo Fatima (203), diin kini nilagbas sa Kinalumsan River.

Adunay 141 ka illegal structure ang nahimutang sa Barangay Pasil ug 52 sa San Nicolas, diin nilagbas ang Guadalupe River. Duna say 84 gikan sa Barangay Inayawan.

Ang Tinago adunay 81 samtang 97 sa Tejero nga nag-ambo sa Lahug/Kamputhaw/Tejero river.

Ang RMC nga gimugna sa mayor gilangkuban sa Department of Public Services (DPS), Cebu City Disaster Risk Reduction and Management Office (CCDRRMO), Division for the Welfare of the Urban Poor (DWUP), Department of Engineering and Public Works (DEPW), Prevention Restoration Order Beautification Enhancement (Probe), Office of the Building Official( OBO), City Planning and Development Office (CPDO) ug Cebu City Environment and Natural Resources Office (CCenro).

Ang mao nga mga buhatan magtambayayong aron mahatagan og solusyon ang problema sa baha sa dakbayan.

IPATAWAG NI LABELLA

Una niini, ang OBO ug CCDRRMO naka-identify na og 83 ka mga illegal structure nga gilangkuban sa commercial ug residential buildings nga gitumbok nga hinungdan sa grabeng baha nga nasinati sa miaging semana.

Ang mayor nagkanayon nga karong Lunes, Oktubre 26, ang mga tag-iya sa mga estruktura iyang ipatawag aron ilang hisgutan ang maayong solusyon inay magpasakaay sila og kaso. Ilawom sa balaod, ang tulo ka metros gikan sa daplin sa sapa di matukoran og estruktura.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph