Mga duwa karon:
4:00 pm- NLEX batok Meralco
6:45 pm- Magnolia batok Phoenix’s
Tinguha sa NLEX Road Warriors nga masegundahan ang dalaygon nilang kadaugan sa miagi nilang tahas sa ilang pagpakigbatok sa Meralco Bolts sa premirong duwa karong hapon sa Philippine Basketball Association (PBA) 2019-20 Philippine Cup sa AUF Gym sa Angeles City, Pampanga.
Human sila nakatilaw og kapildihan sa nag-una nilang tulo ka mga tahas, ang Road Warriors nagbangis ug gipahimungtan ang NorthPort Batang Pier, 102-88, niadtong Miyerkules, Oktubre 21, 2020 aron irehistro ang labing una nilang kadaugan sa PBA bubble nga nakapabuhi og balik sa ilang moral.
Ang Bolts, nga adunay 2-2 nga rekord, taas sab og moral paingon ning kombatiha gumikan kay gikan sab sila sa kadaugan batok sa Magnolia Hotshots, 109-104, niadtong Oktubre 20, 2020.
Sa laing bahin, parehong mosuway og bangon ang Magnolia ug Phoenix Super LPG Fuel Masters sa ilang panagharong sa main game.
Ang Hotshots adunay 1-3 nga rekord samtang ang Fuel Masters naghupot og 2-2 nga baraha / ESL