PAAGI nga dili matugaw ang pagtuon sa mga bata, ang lungsod sa Sta. Fe mipatuman sa pag-ban sa tanang karaokehan matag weekdays.
Kini subay sa bag-ong kamandoan ni Sta. Fe Mayor Ithamar Espinosa.
Sukwahi sa ubang kalungsoran, gitugotan hinuon nga makakanta ang mga konstituwente niini sugod alas 7:00 sa buntag hangtod na sa alas 6:00 sa hapon matag Sabado ug Dominggo.
Sa nasayran nga gawas sa internet connection, nalakip ang ka-saba sa palibot nga usa sa babag sa pag-focus sa mga tinun-an.
Tungod niini, gidili usab ang tanan nga klase sa pag saba-aba sama sa music, syagit ug uban pa.
Ang lungsod sa Sta. Fe maoy ikaupat nga mipatuman sa maong mando. (ANV)