Cebu City modelo batok Covid-19


MALAMPUSON: Sila si (gikan sa wala) Environment Secretary Roy Cimatu, Mayor Edgardo Labella, Konsehal Joel Garganera ug Police Regional Office Director Brigadier General Albert Ignatius Ferro nagkukabildo human sa usa ka press conference. Gidayeg ni Cimatu ang mao nga mga opisyal sa malampusong pagpaminos sa mga kaso sa Covid-19 sa Dakbayan sa Sugbo. / ALLAN CUIZON
MALAMPUSON: Sila si (gikan sa wala) Environment Secretary Roy Cimatu, Mayor Edgardo Labella, Konsehal Joel Garganera ug Police Regional Office Director Brigadier General Albert Ignatius Ferro nagkukabildo human sa usa ka press conference. Gidayeg ni Cimatu ang mao nga mga opisyal sa malampusong pagpaminos sa mga kaso sa Covid-19 sa Dakbayan sa Sugbo. / ALLAN CUIZON

GIHIMONG sumbanan sa ubang mga local government unit (LGU) sa Pilipinas ang sistema nga gipatuman sa Cebu City Government sa pagpakigbatok sa coronavirus disease (Covid-19).

Kini ang gipahibawo ni Secretary Roy Cimatu, overseer sa Inter-Agency Task Force (IATF) sa Covid response sa Siyudad sa Sugbo human nagmalampuson sa pagpakunhod sa kaso sa virus gikan sa tag 300 ka kaso matag adlaw sa pagkusog pagkuyanap sa maong virus.

Sa pagkakaron, tag single digit na lang.

“I would like to attribute the success of Cebu City team to the leadership of the nayor (Edgardo Labella), Councilor (Joel) Garganera and our enforcer in-charge of the region (PRO-7) General (Albert) Ferro. And of course, our professional doctors who are here, our contact tracers, DILG and all of us here. I am proud to be part of this team,” padayag ni Cimatu.

Si Cimatu niingon nga matag interview niya sa Manila labot sa Covid-19, kanunay niya nga hisgotan sa mga tigbalita kon unsay gihimo sa Cebu City, nganong sa inanay nga nikunhod ang mga kaso sa Covid-19 paglabay sa pipila ka mga buwan.

“I am very proud of this team, yong nasa harapan ninyo ngayon (Labella, Garganera ug Ferro) because sila ang nagbigay talaga ng magandang resulta sa effort natin against the Covid 19,” dugang sa Overseer sa IATF Visayas.

“From being an epicenter of Covid-19 months ago, Cebu City now is the epicenter of good method of bringing down the Covid-19 (cases),” dugang sa kalihim.

Si Labella, sa iyang bahin, niila sa kamahinungdanon sa papel nga gihuptan ni Cimatu, kinsa gipadala ni Presidente Rodrigo Duterte dinhi sa Sugbo niadtong Hunyo para motabang sa siyudad nga maoy labing daghan og kaso sa Covid-19 niadtong higayona.

“Mr. Secretary, on behalf of the Cebu City Government, I would like to make a manifestation to the fact that without your guidance, without your inspiration. All of us here will not achieve the success that we are savoring. Thank you for your guidance, thank you for your inspiration.”

Gumikan sa maayong performance nga gibuhat sa City Government, gihagit karon sa Secretary sa DENR nga si Cimatu nga himuong zero ang kaso sa dakbayan sa mosunod nga mga adlaw o buwan, butang nga gidawat ni Garganera.

Sa kasamtangan, ang Cebu City aduna na lay 197 ka aktibong kaso gikan sa kapin o kulang 8,000 dihang nihunat ang pagkuyanap sa virus dinhi sa dakbayan. / PAC

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph