SUPERBALITA DAVAO

Mayor na-Covid, symptomatic

Hulagway gikan sa Google Maps

DAVAO DEL NORTE -- Wa makalingkawas sa gikalisangang sakit nga coronavirus disease (Covid-19) ang mayor sa lungsod sa Sto. Tomas ning probinsiya nga si Ernesto Evangelista.

Gikompirma mismo ni Evangelista nga nataptan siya sa sakit subay sa napatik sa Facebook page sa lungsod sa dihang migawas ang resulta sa gihimong pagsusi kaniya sa Davao Regional Medical Center niadtong Huwebes sa hapon, Oktubre 22.

Si Evangelista maoy pinakaunang mayor sa probinsiya nga nataptan sa nahisgutang sakit human na-expose sa Covid-19 positive nga indibiduwal niadtong Oktubre 14.

Sumala pa nga symptomatic ang mayor apan ang iyang kaso gikonsiderang mild case lang sa mga doktor sanglit giingong nagpabiling normal ang iyang mga vital signs.

Sa pagsuwat ning balita, gipahimutang ang mayor sulod sa isolation unit ug hugtanong gimonitor ang iyang kahimtang.

Samtang gisubay na sab ang mga tawo nga nahimamat sa mayor sukad niadtong Oktubre 14.

Hinuon bisan kung na-isolate, siya gihapon ang mayor sa lungsod ug padayong mipahigayon og mga virtual meeting. (Dexter T. Visitacion)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph