SUPERBALITA CEBU

5K mipasertipiko sa Dole nga walay trabaho

Niabot na sa kapin 5,000 ka mga certificate of unemployment (COU) ang naisyu sa Department of Labor and Employment (Dole) 7 alang sa mga kawani nga nawad-an og trabaho sa tulo ka dagkong mga siyudad sa Sugbo diin naglakip niini ang Cebu City, Mandaue City, ug Lapu-Lapu City.

Base sa datus sa ahensiya sa maong gidaghanon, kapin sa 4,000 nga aplikasyon niini ang gikan sa locally displaced workers o kadtong gitangtang sa ilang trabaho.

“COUs are needed for the application of unemployment insurance or involuntary separation benefit at the SSS. And with the influx of COU applications received not only by the TCFO but also by the rest of the Field Offices of Dole-7, we make sure to facilitate them and start accepting applications online,” matod ni Dole 7 Director Salome Siaton.

Ang maong datus gikan kini sa Dole Tri-City Field Office diin mao ang labing dako nga field office sa rehiyon tungod sa kadaghan ug sa maong dapit nagpundok ang kasagaran sa trabaho ug negosyo.

Gi-isyu ang COU sa mga trabaho nga natangtang sa trabaho tungod sa installation of labor saving devices; redundancy; retrenchment or downsizing; closure o cessation sa operation; ug disease/illness.

Dugang sa director nga mas gipadali nila ang pagsumiter ug magdawat sa mga aplikasyon niini aron makapahimulos kini sa ayuda gikan sa Social Security System (SSS).

Kinahanglan lang mo-email ang apektado nga kawani sa dole_centralvisayas@yahoo.com lakip ang ilang aplikasyon, usa ka photocopy sa valid ID ug Notice of Termination gikan sa employer niini.

“In the absence of the Notice of Termination, applicants may use a duly notarized Affidavit of Termination of Employment,” dason ni Siaton.

Alang sa trabahante nga naa sa siyudad sa Sugbo, Mandaue, ug Lapu-Lapu, i-email ang aplikasyon sa tcfodolecertification@gmail.com.

Samtang subay niining mga nawagtangan og trabaho, nagpadayon ang pagtabang sa Dole 7 sa mga na-retrench nga trabahante sa Mactan Export Processing Zone (MEPZ).

Sa labing uwahing datus, 26 na ang apektado niini diin ipaubos kini sa ahensiya sa skills training.

Sa pakigtambayayong sa Lapu-Lapu City’s Livelihood Training Center ug sa Technical Education Skills and Development Authority (TESDA), tudloan kini og Bread and Pastry-Making.

“This is now the result of the Dole’s Employment Facilitation Program whereby affected workers are referred to various services depending on their interest. Equipping these workers with new skills is necessary so that they will be able to cope with the needs of the changing times thereby making them ready and able in the so-called new normal,” si Siaton nagkanayon.

Ipaubos kini sa training karong Nobiyembre 3. / HBL


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph