SUPERBALITA CEBU

Bisita sa piyesta sa Consolacion gidili

GIDILI ang mga bisita atol sa pista sa lungsod sa Consolacion.

Kini subay sa bag-ong kamandoan nga giluwatan ni Consolacion Mayor Joannes Alegado, Executive Order (EO) No. 76 sa Oktubre 23.

Ang Consolacion magsaulog kini sa ika-149 nga fiesta ni Sr. San Narciso karong Oktubre 29. Apan maong kamandoan epektibo Oktubre 28 hangtod sa Oktubre 30.

Tuyo niini mao ang pasiguro nga mapugngan ang pagkatap sa kagaw sa coronavirus disease (covid-19) sa lungsod.

Tungod niini mahimo nga mo-saulog sa pista ang mga residente apan diha lang sulod sa panimalay kauban ang sakop sa pamilya. Walay labot ang mga bisita.

Gimandoan usab sa mayor ang mga establisimento sa pagpangayo og quarantine pass ug ID sa tanan nga mo-palit kon mo sulod sa mga tindahan.

Hinuon dili na kinahanglan nga mag dala og pass kon mo-simba o mo tambonh sa relihiyosong kalihukan apan mag sul-ob gihapon sa facemask ug faces hield.

Strikto usab nga gi-dili ang pag-inom o ang pagpamaligya og ilimnon nga makahubog sa tindahan, dagko o gagmay.

Lakip usab ang pag butang og mga tulda o tents sa mga kadalanan sa sitio, barangay ug nasudnong agianan.

Gipahinumdoman sa mayor nga mag atubang og tukmang silot ang tanan nga mo lapas sa maong kamandoan.

Aron kini mapatuman, giawhag ang kapulisan og sakop sa barangay sa kanunay pag susi sa mga lugar sa lungsod. / ANV


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph