NAG-APOD-APOD si Cebu Sixth District Representative Emmarie "Lolypop" Ouano-Dizon og cash assistance nga P2.9 milyon ug food packs ngadto sa mga nabiktima sa flash flood sa Butuanon River.
Adunay kinatibuk-ang 4,483 ka mga pamilya nga nabiktima sa kusog nga pagbaha sa pag-awas sa Butuanon River sa Mandaue City tungod sa kusog nga pagbunok sa ulan miaging semana.
Kahinumduman ang mga biktima sab aha gipabakwit gikan sa ilang mga panimalay diin ang tubig sa ilang lugar motupong na sa tawo ang giladmon.
Ang kinatibuk-an nga hinabang salapi ni Ouano Dizon’s nga mokantidad ug P2.9 million gikuha gikan sa iyang pundo sa Assistance to Individuals in Crisis Situation or AICS.
Base sa validated list gikan sa Mandaue City Social Welfare and Services (CSWS), adunay walo ka barangay ang apektado sa pagbaha sama sa, Barangay Canduman (61 pamilya), Casuntingan (149 pamilya), Maguikay (63 pamilya), Tabok (184 pamilya ), Tingub (72 pamilya), Alang-alang (99 pamilya), Umapad (312 pamilya) ug Paknaan (3,553 pamilya).
Sa maong gidaghanon sa mga biktima, adunay 20 ka mga panimalay ang totally damaged, 41 ang partially damaged ug 4,442 ang mga slightly damaged.
Matod ni Dizon nga silang tanan gihatagan og financial assistance nga P5,000 alang sa totally damaged, P2,500 alang sa partially damaged ug P500 alang sa mga slightly damaged nga mga panimalay.
Nakadawat usab ang mga biktima sa baha og usa ka kahon nga relief goods nga adunay, lima ka kilo nga bugas, 10 nga de lata, 5 ka sachet nga kape ug 5 ka sachet nga cereal drink.
Dugang niini, mapasalamaton si Dizon ngadto kang newly-elected speaker of the Hose of the representative Lord Allan Veasco sa gihatag nga donasyon niini nga 1,000 ka sako sa bugas humay bisan sa dinalian nga pagpahibawo kaniya sa nahitabo.
Ang matag pamilya nakadawat ug laing lima ka kilp nga bugas humay gikan sa donasyon sa Velasco.
“I am impressed by the willingness of Speaker Velasco in extending his assistance to the flood victims in Mandaue,” ingon ni Ouano-Dizon.
Dugang pa ni Dizon nga ang kanhi Speaker Allan Peter Cayetano naghatag usab og mga food packs alang sa mga biktima. (KFD/PR)