Oh, My Dad” nagsugod na gahapon sa TV5 diin bida si Ian Veneracion ug puno kini sa mga katawa ug agik-ik.
Ang kapartner ni Ian si Dimples Romana ug sila pa lang riot na sa comedy ang matag eksena.
Ubanan pa sa loveteam nilang Gloria Diaz ug Ariel Ureta nga “GloRiel” kinsay dili makangisi og maayo niini.
May mga anak pa si Ian nga silang Louise Abuel, Adrian Lindayag ug Sue Ramirez nga modugang sa mga makatawang eksena, mahimong kompleto na ang inyong Sabado.
Gikan sa Quantum Films, Brightlight Production ug TV5 ang “Oh, My Dad” ug sugdan na nato ang katawa matag Sabado sa hapon, sa direksyon ni Jefrey Jeturian, Ay’g Saba!
* * *
Ugma usab manuntan na ninyo ang teleseryeng “Bagong Umaga” sa Kapamilya Channel, Kapamilya Online Live ug A2Z Channel 11.
Tulo ka mga leading man ang atong masaksihan dinhi nga magtigi sa aktingan silang Tony Labrusca, Kiko Estrada, ug Yves Flores.
Tulo ka mga batanong lalaki ang mopukaw sa atong mga kasing-kasing ug mopatulo sa atong mga luha.
Kinsa sa tulo ang imong nuntan? Wa kay mapili kay parehong may gihuptang kaambong ug may mga ikapakita nga mga abilidad sa pag-arte.
Naila og maayo ang Tony Labrusca sa iyang daring role sa pelikulang “Glorious” kapartner si Angel Aquino apan una nato siyang nakita kauban sa loveteam nga “KathNiel” sa seryeng “La Luna Sangre,” nagpakitang gilas sa iyang abilidad sa unang seryeng gibidahan niini nga “Sino Ang Maysala?” kauban ni Bela Padilla.
Silang Yves Flores ug Kiko Estrada gidayeg og maayo sa ilang pag-arte sa ilang isig ka episode sa “Maalaala Mo Kaya.”
Sa seryeng “Pamilya Ko” nakita sab nato nga nakigtigi ang Kiko Estrada sa aktingan nilang Sylvia Sanchez ug JM de Guzman.
Init sab ang pagdawat sa tanan kang Yves Flores sa “A Soldier’s Heart” sa iyang papel isip usa ka bading nga sundalo ug naibog kang Jerome Ponce.
Karon mag-uban ang tulo uban usab nilang Barbie Imperial, Michelle Vito, ug Heaven Peralejo sa usa ka family drama romance serye “Bagong Umaga” nga sugdan ugma.
Kauban usab nila silang Cris Villanueva, Nikki Valdez, ug Glydel Mercado sa direksyon ni Carlo Artillaga ug Paco Sta Maria, atangi ugma, Ay’g Saba!
* * *
Aduna pa diay mga bagong programa nga makita nato sa TV5 gawas sa “The Masked Singer “ ni Billy Crawford nga gisugdan usab gahapon, may laing treat kanato silang Benjie Paras, Empoy Marquez, Andrew Mulach, ug Kylie Versoza kini mao ang “Ghost Adventures” nga makita nato karong Halloween.
May teleserye usab ang Ryza Cenon nga “Bella Bandida” ug daghan pa tang paabuton, sulong na mga Kapatid, Ay’g Saba!