Vallena: Nag bike na

SA FACEBOOK ko malingaw magtan-aw sa akong kanhi mga kauban sa media nga karon nag-bike na. Akong kanhi mga kauban, apil si Kathy Navarro nga naa na karon sa Cebu Provincial Capitol Public Information Office (PIO), tig bike na. Kauban mi ni Kathy kaniadto sa sibyaanang dyRF.

Naa sab ang akong kanhi mga kauban sa Sunstar nga sila si Minerva Gerodias ug si Vanessa Almeda. Ila sab nga kuyog ang lain namong kanhi mga kauban nga sila si Liberty Pinili ug Rianne Tecson. Segurado ko nga ang naggalgal ani nila mao ang kanhi photojournalists nga sila si Junjie Mendoza ug Tonee Despojo.

Nakauban na mig pipila ka mga higayon ni Junjie og sikad sa kabukiran sa Talamban. Maayo untag dad-on ni Junjie ang among kahigalaan sa bukid aron mas malingaw sila. Pero bag-o pa man ni sila si Kathy ug kaubanan, kinahanglan pa silang magpraktis ug mag familiarize.

Nalingaw ko nilang mag post kay nakaadto na silag mga lugar. Struggle tuod kaayo kay bag-o pa man. If ila ning pirmehon ang pagsikad, sa ngadto ngadto, they will climb mountains. Ingon ana sab ko nila sa pagsugod.

FRAME

Alang nako, ang labing importante sa biseklita kon mo-invest ka, mao ang frame. Ikaduha na lang nang groupset. Ang una gud nga tan-awon mao ang brand sa imong frame, sama sa Giant, Specialized, Trek, Cannondale, Santa Cruz (known sa trail riding), Kona, Niner ug KHS alang sa entry level.

Bisan imo kining butangan og Deore nga groupset, ang unang tan-awon mao ang frame. Ikaduha ang fork. Alang nako ug hayan sa uban pang mountain bikers, mao ni ang labing mportante. Ikaduha na ang parts.

Sunod nga makita mao ang fork. Di ba? Mas mahal nga fork, mas maayo ang performance. Kon mag fork ka og Fox ug Rockshox, monganga ang bikers nga makakita. Gawas nga known ni nga upper tier nga brands sa fork, naila usab kini sa high performance ug kalig-on.

Kon nagplano ka nga mag assemble o mopalit og built bike, go for known brands.

BIKE LANES

Nalipay kaayo ko dihang akong nasayran nga ang expressway nga padayon karong gitrabaho nga molagbas gikan sa Dakbayan sa Danao padung sa Naga City dunay bike lane sa kilid. Maanindot kaayo kon tinuod ni ug madayon ang pagbutang. Labing una kini dinhi sa Cebu nga dunay bike lane.

Bitaw, sa advanced countries, sama sa Taiwan dinhi sa Asia, naay bike lanes ang mga karsada. Naa gyuy karsada nga gitawag og trail nga alang sa biking.

Ang akong mga higala nga toa sa United States na namuyo, magsige og pakita nako thru sa Facebook sa ilang 100-kilometer trail nga wa dinhi sa atoa. Kanang road network nga alang ra sa bikers.

Kanus-a kahi ni makab-ot no? Sa damgo pa lang.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph