2K bag-ong Covid infections

ANG Department of Health (DOH) nipahibawo niadtong Sabado, Oktubre 24, sa kapin sa 2,000 ka bag-ong mga kaso sa coronavirus disease (Covid-19) ug dugang 19 nga nangamatay.

Sa case bulletin sa alas 4 sa hapon sa Sabado, ang DOH niingon nga dunay 2,057 nga bag-ong infections nga natala nga nidala sa kinatibuk-ang mga kaso sa nasod ngadto sa 367,819.

Sagad sa bag-ong mga kaso natala sa duha ka mga siyudad sa Metro Manila: Caloocan City nga dunay 102 ka mga kaso ug Quezon City nga dunay 96.

Laing tag-as og mga kaso sa Sabado mao ang Rizal (107), Benguet (92), ug Davao City (91).

Samtang ang 19 ka bag-ong nangamatay nidala sa gidaghanon sa patay ngadto sa 6,934.

Ang DOH niingon nga mayoriya sa bag-ong nangamatay natala sa Metro Mania diin walo ang patay.

Ang laing nangamatay nagagikan sa Calabarzon ug laing dugang tulo sa Western Visayas.

Sa gidaghanon sa mga pasyente nga nangaayo gikan sa Covid-19, ang DOH niingon nga dunay dugang 442 nga natala.

Ang kinatibuk-ang gidaghanon sa Covid-19 survivors niabot na og 313, 112.

Ang DOH niingon usab nga 12 ka mga laboratoryo sa nasod wa makaduso sa ilang data ngadto sa Covid-19 Data Repository System sa Oktubre 23, 2020. Sa tibuok kalibutan, sa Oktubre 23. dunay 41,570,883 kompirmadong mga kaso sa Covid-19, lakip sa 1,134,940 nga nangamatay, matod sa World Health Organization. (HDT, Sunstar Philippines)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph