GIKOMPIRMAR sa Philippine Basketball Association (PBA) nga adunay magduduwa sulod sa Philippine Cup bubble sa Pampanga ang nasutang positibo sa coronavirus disease 2019 (Covid-19).
Gibutyag sa PBA nga ang maong magduduwa sakop sa Blackwater Elite, kinsa gipagawas na sa bubble ug gidala sa New Clark City quarantine facility.
Wala’y sintomas ang maong magduduwa.
Ang tanang mga sakop sa Elite squad gipalayo lang una isip pagtuman sa PBA health protocols.
Mao kini ang hinungdan nga nauswag sa wala pa matino nga petsa ang kombati unta sa Elite ug Rain or Shine Elasto Painters sa premiro duwa kagahapon.
“Yung ating PBA player na lumabas na positive ang result ay nalipat na rin sa New Clark City Athletes Village dahil kailangan nga tayong mag-sigurado,” asoy ni Vince Dizon, deputy chief implementer sa government’s COVID-19 response ug presidente sa CEO of Bases and Conversion Development Authority (BCDA). (ESL)