SUPERBALITA CEBU

Nat'l athletes kinahanglang mamalik na

ANG Sugbuanong si Ramon “El Presidente” Fernandez nanghinaot nga makapangandam na og sugod ang national athletes nga gustong mo-qualify sa Tokyo Olympics pinaagi sa mga pasilidad nga aprubado sa Inter-Agency Task Force (IATF).

Gipasabot ni Fernandez nga kinahanglang makabalik na ang national athletes, labing dugay karong Disyembre, 2020 kay kinahanglan pa man mopa-qualify ang ubang mga atleta alang sa Tokyo Olympics sa sunod tuig sa Japan.

Ang labing dakong multi-sporting event sa kalibutan gikatakda unta niining tuiga apan tungod sa hulga sa Covid-19 pandemiya gisibog kini ngado sa Hulyo 24 ngadto sa Agosto 8 sa sunod tuig.

“Kinahanglan na sila magsugod at the very least December kay aduna na lang sila’y pito ka mga buwan unya moapil pa na silag mga Olympic qualifying tournament,” sigon ni Fernandez sa interbiyu sa telepono.

Sigon ni Fernandez nga anaa sa NSAs (national sports association) ang plano kon asa nila ibutang ang training facilities alang sa ilang mga atleta.

Ang mga pasilidad kay kinahanglan subay sa health protocol nga gihan-ay sa IATF.

Ang maong training facility manginahanglan sab og pagtugot sa Joint Administrative Order (JAO) nga gilangkuban sa Department of Health (DOH), PSC ug Games and Amusement Board (GAB).

Alang sa budget sa mga atleta alang sa Olympics, si Fernandez miingon nga kasamtangan silang naghuwat sa P150 milyones nga budget nga ilang gisumiter sa Kongreso.

Si Fernandez miingon nga adunay mga NSA nga nagplanong mag-training sa Inspire Sports Academy, usa ka extension campus sa National University nga gipanag-iya sa Sy family ug SM group.

Ang Inspire Sports Academy ang labing unang world-class learning and sports institution sa nasod.

Ang nagplanong mag-training ning maong pasilidad mao ang mga atleta sa karate, taekwondo ug boxing.

Ang training facilities nga gidumala sa PSC nga Rizal Memorial Sports Complex sa Manila ug PhilSports sa Pasig gigamit isip Covid-19 nga pasilidad. (RSC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph