DIGOS CITY, Davao del Sur -- Mahidangat karong adlawa si Senador Christopher ’Bong’ Go ning siyudad alang sa launching sa 89th Malasakit Center sa Davao Del Sur Provincial Hospital.
Alas 11 karong buntag nakatakda ang pag-abot sa senador alang sa seremonya ug pagka ala 1:30 sa hapon manguna ang senador sa distribusyon sa ayuda alang sa mga market vendors sa Digos Public Market.
Eksayted na ang pipila ka mga vendors ning siyudad nga mohimamat sa opisyal ug naglaum sa daghan pang panahon nga duawon sila sa senador.
Ugmang adlawa sab, Martes nakatakda nga manguna ang senador sa pagpang-apud-apod og ayuda sa mga mangingisda ug mga trabahante sa Fish Port sa General Santos City.
Sundan sab kini sa pagpanghatag og ayuda sa senador ngadto sa mga vendors sa Gensan Public Market sa Barangay Fatima.