Mayor nga na-Covid, maayo ang kahimtang

Si Sto. Tomas Davao del Norte Mayor Ernesto Evangelista. (Hulagway gikan sa iyang Facebook page)
Si Sto. Tomas Davao del Norte Mayor Ernesto Evangelista. (Hulagway gikan sa iyang Facebook page)

STO. TOMAS, Davao Del Norte -- Maayo ang kahimtang sa Mayor sa Lungsod sa Sto. Tomas, Mayor Ernesto Evangelista, ang unang Mayor ning probinsya nga nataptan sa Coronavirus Disease (Covid-19).

Sa opisyal nga Facebook page sa LGU Sto. Tomas gibutyag nga sa unang adlaw nga gi-isolate si Mayor Evangelista nagpahigayon kini’g pag-atiman sa mga punuan sa prutas sulod sa iyang pribadong panimalay.

Gawas pa usab niana gibutyag nga niadtong adlaw’ng Biyernes gihimo sa Mayor ang naandan niyang trabahoon sa sayong kabuntagon nga mao ang paglibot-libot sa nataran sa ilang panimalay.

Pagkaudto nagpahigayon og mubo nga conference pinaagi sa Zoom uban sa mga piniling sakop sa Sto. Tomas-IATF aron masiguro nga mapatuman ang mga health protocols atol sa Undas 2020.

Gibutyag nga human namantala sa publiko nga positibo sa Covid-19 si Mayor Evangelista, nagpabiling stable ang iyang mga vital signs samtang ang kondisyon sa iyang panglawas padayong nagmaayuhon ug walay seryosong sintomas. (DTV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph