PATAY ang usa ka sakop sa New People’s Army (NPA) human kini giatake niadtong Martes, Enero 22, sa Butuan Doctor Hospital sa Barangay Bayanihan, dakbayan sa Butuan.
Giila ang NPA terrorist leader nga mao si Ricardo Manili alyas “Joker,” 64, kinsa namatay tungod sa cardiac arrest.
Si alyas Joker maoy ika-upat nga wanted person sa Caraga ug kanhi Secretary sa NPA’s Guerilla Front Committee 4A, North Central Mindanao Command (NCMRC) ug Commanding Officer sa Regional Operational Command, NCMRC.
Naaresto kini niadtong May 2, 2016 samtang sakay kini sa van diin adunay uban unom ka kauban dihang nagpahigayon og checkpoint ang kapulisan ug kasundalohan sa Barangay Mat-i, Las Nieves, Agusan del Norte.
Daghan ang nakumpiska sa posisyon niini sama sa homemade shotgun, 45 pistol, 9mm pistol, anti-personnel mine, grenade, duha ka blasting caps, tulo ka sundang ug nagkalain laing bala, medical kit, ug uban pa.
Si Joker sab maoy nangulo sa pagpangatake sa Carmen Agusan del Norte Police Station makatulo ka higayon.
Ang personahe sa Agusan del Norte Provincial Jail maoy nidala niini sa Provincial Hospital niadtong January 12 tungod sa hypertensive crisis apan gideklarar nga comatose niadtong January 15.
Gibalhin dayon kini sa Butuan Doctor’s Hospital sulod sa intensive care treatment apan nakabsan sa kinabuhi.
“Criminals like Joker are put in prison for heinous crimes and human rights violations. Despite his crimes, he was still given sufficient medical attention by the government for his recovery. However, he was left by his former comrades (NPA) to die in prison,” subo nga pahayag ni Brigadier General Franco Nemesio M Gacal Armed Forces of the Philippines, Commander sa 402nd Infantry Brigade.
Sa gisapitan niini naghangyo ang kasundalohan nga mosurender na ang uban NPA aron dili masusama niini.
“It is not too late. I urge the NPAs to lay down their arms and return back to the folds of the law. There is still hope to start a new life together with their families. The NPAs can avail the government’s Enhanced-Comprehensive Local Integration Program,” dugang niini.