SUPERBALITA CEBU

Konka mipaambit sa ilang hinagoan

AGI og suporta sa kagamhanan sa dakbayan sa Lapu-Lapu sa pagbukas sa “Balik Turismo” ingon man ang pag-agni sa matag Oponganon sa pagsuporta sa local nga produkto, ang Kababayen-an sa Opon nga Nagkahiusa alang sa Kalambuan (Konka) Inc. nipahigayon og product presentation.

Garbo nga gi-display sa matag cluster barangay sa Konka ang ilang specialty nga pagkaon ug non-food products nga bunga sa iyang paningkamot ug sakripisyo sa tuyo nga mapalambo ang maong pundok.

Ang product presentation sa ilang festive nga tema “Barrio Fiesta" gipahigayon niadtong Miyerkules, Oktubre 21 sa Barangay Basak covered court.

Paagi kini sa pag-promote sa ilang kaugalingong produkto pinaagi sa food tasting o product sampling ngadto sa mga sakop sa media, bloggers ug social media influencers.

Gisalmutan sa 30 ka barangay nga gibahin ngadto sa upat ka cluster nga gipahiluna sa nagkadaiyang booth.

“So with this, gibalik nato we revive like some of them are doing their business already. As a whole group nga na-incorporate last July 1, 2011 ato gi-revive," tipik sa pamahayag sa founder sa Konka, Kongresista Paz Radaza.

“Ang tanang nilang effort gi-dedicate on this and ilang business and the unity is still alive,” dason niya.

Matod ni Radaza nga namugna ang grupo aron kahatagan og kahigayonan ang mga inahan o kababayen-an nga anaa lang sa ilang tagsa-tagsa ka mga panimalay nag-atiman sa ilang pamilya nga mokita gihapon pinaagi sa ilang nakut-onan sa skills training nga gitanyag sa Manpower Training Center sa Lapu-Lapu (MTC).

Si Mary Jane Cahilog, presidente sa maong kapunongan mipahibawo nga ubay-ubay na sab ang naserbisyohan sa Konka sa ilang catering services nga nakatabang sa ilang miyembro ning panahon sa pandemiya, gani duna silay free delivery sa pagkaon nga gi-order gikan nila sa minimum nga purchase nga P500.

Giklaro ni Cahilog nga kasamtangan nga sa mainland Lapu-Lapu una ang ilang maserbisyohan sa maong catering business tungod sa kalisdanan sa higayon nga molabang sa laing dapit o ngadto sa isla sa Olango ilabi nga nga ubos pa sa Modified General Community Quarantine ang dakbayan.

MANANAUG

Wala maanugon ang gihimong preparasyon sa mga sakop sa Konka ang ilang product presentation sa dihang ang labing lamian nga pagkaon o produkto ug ang labing attractive nga booth ang gipahalipayan ni Kongresista Radaza.

Best Booth Award nakuha sa Cluster 3, samtang sa mga special awards nanghawod gihapon ang Cluster 3 sa Best Kakanin ang ilang ‘espasol’ ug sa ilang Best Dish nga ‘humba curry and spicy tuna carbonara.’

Ang Cluster 3 gilangkuban sa mga Barangay Poblacion, Gun-ob, Babag, Calawisan, Canjulao ug Looc. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph