SUPERBALITA DAVAO

9 terorista mi-ampo sa militar

Hulagway gikan kang Edgardo E. Fuerzas

COTABATO CITY -- Siyam ka mga miyembro sa Bangsamoro Islamic Freedom Fighters (BIFF) ang misurender sa militar alas 2 sa hapon niadtong adlaw nga Dominggo sa probinsya sa Maguindanao.

Giila ang mga rebelde nga sila Rahib Baguindali Nawal alyas Kumander Rahid, Field Commander; Abdulrahim Kinona Mariano, alyas Junior, IED maker; Zed Baguindali Nawal, alyas Jerome; Mamalinta Em Abdul, alyas Alvin; Kasim Mujahid Abdul, alyas Bots; Abdul Rafael Kanda, alyas Pai; Jessie Abunawas Abdul, alyas At; Surab Abdullah, alyas Bhods; ug Mentato Mesol, alyas Palangan.

Misurender ang siyam ka BIFF kang 57th Infantry Battalion Philippine Army Commanding Officer Lieutenant Colonel Jonathan Pondanera.

Dala sa grupo ni Nawal sa ilang pagsurender ang usa ka M4A1 Carbine caliber 5.56mm, 1-Bushmaster caliber 5.56mm, 1-Heckler, 1- Koch 416 caliber 5.56mm, 1-Elisco M16 A1, 1-M14 rifle caliber 7.56mm, 2-homemade caliber 50 sniper rifles, 2-homemade RPGs, mga bala ug mga magazine.

Ang mga rebelde ang pormal nga gidawat atol sa pagpresinta niini kang 6th Infantry (Kampilan) Division Chief og Joint Task Force Central Commander Major General Juvymax Uy.

Apan gipanghimakak sab ni Kumander Abu Misry Mama ang tigpamaba sa Bangsamoro Islamic Freedom Movement (BIFM) nga dili nila mga miyembro ang siyam ka rebelde.

Gidugang ni Misry nga ang siyam mga local terrorist group (LTG) nga nalambigit sa large-scale extortion, kidnapping, robbery-hold-up ug uban pa.

Gi-aghat sab ni Uy ang ubang mga BIFF og mga armed lawless group nga musurender na gumikan tabangan sila sa gobyerno nga magbag-o sa ilang kinabuhi. (Edgar Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph